ന്യൂദൽഹി: വടക്കു കിഴക്കൻ മേഖലയിലെ മാവോയിസ്റ്റ് നേതാവും സി.പി.ഐ (മാവോയിസ്റ്റ്) കേന്ദ്ര കമ്മിറ്റി അംഗവുമായ അനുകുൾ ചന്ദ്ര നാസ്ക൪ അറസ്റ്റിലായി. വ്യാഴാഴ്ച അസം പൊലീസും സ്പെഷ്യൽ ഇൻറലിജൻസ് ബ്രാഞ്ചും സംയുക്തമായി നടത്തിയ നീക്കത്തിൽ ഗുവാഹതിയിൽ വെച്ചാണ് ഇയാൾ അറസ്റ്റിലായത്.
മറ്റൊരു മാവോയിസ്റ്റ് നേതാവ് മഹേഷ് ജിയെ അറസ്റ്റ് ചെയ്ത് രണ്ടാഴ്ചകൾക്കു ശേഷമാണ് പുതിയ അറസ്റ്റ് ഉണ്ടായിരിക്കുന്നത്. ഇയാളെ കോടതി അഞ്ചു ദിവസത്തേക്ക് പൊലീസ് കസ്റ്റഡിയിൽ വിട്ടിരിക്കുകയാണ്.
പശ്ചിമ ബംഗാളിൽ നിന്നുള്ള അനുകുൾ ചന്ദ്ര നാസ്ക൪ 1967ലാണ് മാവോയിസ്റ്റ് കോ൪ഡിനേഷൻ കമ്മിറ്റിയിൽ ചേരുന്നത്. അനുകുൾ ചന്ദ്രയെ പിടികൂടാൻ സാധിച്ചത് വലിയ വിജയമായാണ് പൊലീസ് വിലയിരുത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.