കോതമംഗലം: വിവാഹ വാഗ്ദാനം നൽകി പെൺകുട്ടിയെ പീഡിപ്പിച്ച കേസിൽ വിവാഹ തട്ടിപ്പുകാരൻ അറസ്റ്റിൽ. പല്ലാരിമംഗലം തെറ്റിലമാരിയിൽ ഷബീറിനെയാണ് (36) ഊന്നുകൽ പൊലീസ് അറസ്റ്റ് ചെയ്തത്. മുമ്പ് വിവാഹം കഴിച്ചത് മറച്ചുവെച്ച്, പരിചയത്തിലായ പെൺകുട്ടിയുമായി നാടുവിടുകയായിരുന്നു. വീട്ടുകാ൪ പൊലീസിൽ നൽകിയ പരാതിയെത്തുട൪ന്നാണ് ഇയാളെ പിടികൂടിയത്. പല്ലാരിമംഗലം, ആലപ്പുഴ, നീലിമംഗലം എന്നിവിടങ്ങളിൽ നിന്ന് വിവാഹം കഴിച്ച ഇയാൾക്ക് മൂന്ന് കുട്ടികളുമുണ്ട്. ആഡംബര കാറുകളിൽ കറങ്ങിനടന്ന് പെൺകുട്ടികളെ പരിചയപ്പെട്ട് ചതിയിൽപെടുത്തുകയാണ് ഇയാളുടെ രീതിയെന്ന് പൊലീസ് പറഞ്ഞു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.