കൊപ്പം: കുലുക്കല്ലൂ൪ ഗ്രാമപഞ്ചായത്തിലെ മപ്പാട്ടുകരയിൽ അനധികൃതമായി നെൽപാടം നികത്തുന്നതിനിടെ മണ്ണ് മാന്താൻ ഉപയോഗിച്ചിരുന്ന രണ്ട് യന്ത്രങ്ങളും അഞ്ച് ടിപ്പ൪ ലോറികളും രണ്ട് മോട്ടോ൪ ബൈക്കുകളും ഒറ്റപ്പാലം സബ് കലക്ട൪ കൗശികൻെറ നേതൃത്വത്തിൽ റവന്യൂസംഘം പിടിച്ചെടുത്തു. സ്വകാര്യ സ്ഥലത്ത് നടക്കുന്ന കുളം നി൪മാണത്തിൻെറ മറവിലാണ് വ്യാപകമായി പാടം നികത്തുന്നത്. കുലുക്കല്ലൂ൪ വില്ലേജ് ഓഫിസ൪ മൂന്ന് മാസം മുമ്പ് സ്റ്റോപ്പ് മെമോ നൽകിയിട്ടും നിയമവ്യവസ്ഥയെ വെല്ലുവിളിച്ചാണിവിടെ നികത്തിയിരുന്നത്. രാത്രിയാണ് പ്രവൃത്തി അധികവും നടന്നിരുന്നത്. പിടിച്ചെടുത്ത വാഹനങ്ങൾ ചെ൪പ്പുളശ്ശേരി പൊലീസിന് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.