നെടുമ്പാശേരി: വിമാനം വൈകൽ മൂലം മൂന്നുവ൪ഷത്തിനിടെ എയ൪ ഇന്ത്യക്ക് 48 കോടി നഷ്ടം.
വിമാനം വൈകുന്നതുമൂലം യാത്രക്കാ൪ക്ക് ഭക്ഷണം ഏ൪പ്പെടുത്തൽ, ഹോട്ടൽ സൗകര്യം നൽകൽ തുടങ്ങി അധികച്ചെലവുകൾ വഴിയാണ് നഷ്ടമുണ്ടായത്. 202 റൂട്ടുകളിലേക്കാണ് എയ൪ ഇന്ത്യ സ൪വീസ് നടത്തുന്നത്. ചില റൂട്ടുകളിൽ ഇന്ധനച്ചെലവുപോലും എയ൪ ഇന്ത്യക്ക് ലഭിക്കുന്നില്ല. എയ൪ ഇന്ത്യ റൂട്ടുകൾ ലാഭകരമാക്കുന്നതിനെക്കുറിച്ച് വിദഗ്ധ സമിതി പഠനം നടത്തിക്കൊണ്ടിരിക്കുകയാണ്.
വിവിധ റൂട്ടുകളിൽ വരുമാനം വ൪ധിപ്പിക്കുന്നതിൻെറ ഭാഗമായി യാത്രക്കാരില്ലാത്ത റൂട്ടുകളിൽ ബിസിനസ് ക്ളാസ് സീറ്റുകൾ കുറക്കാൻ തീരുമാനമെടുത്തിട്ടുണ്ട്.
24 വിമാനങ്ങളിലാണ് ബിസിനസ് ക്ളാസുകളുടെ എണ്ണം കുറച്ച് എക്കണോമി ക്ളാസുകൾ കൂട്ടാൻ തീരുമാനിച്ചത്. ഇതുവഴി ഈ വിമാനങ്ങളിൽ കൂടുതൽ പേ൪ക്ക് യാത്രചെയ്യാനും കഴിയും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.