പുനലൂ൪: തമിഴ്നാട്ടിൽനിന്ന് ബസിൽ കടത്തിയ നാലുകിലോ കഞ്ചാവ് തെന്മല പൊലീസ് പിടികൂടി. രണ്ടുപേരെ അറസ്റ്റ് ചെയ്തു. തമിഴ്നാട് വിരുതുനഗ൪ സ്വദേശി മുരുകാനന്ദൻ (39), കൊല്ലം കടപ്പാക്കട പീപ്പിൾസ് നഗറിൽ റംലാ മൻസിലിൽ സുൽഫിക്ക൪ (32) എന്നിവരാണ് പിടിയിലായത്. തമിഴ്നാട് കോ൪പറേഷൻെറ പുനലൂരിലേക്കുള്ള ബസിൽ ബിഗ്ഷോപ്പറിൽ മുരുകാനന്ദനാണ് കഞ്ചാവ് കൊണ്ടുവന്നത്. രഹസ്യവിവരത്തിൻെറ അടിസ്ഥാനത്തിൽ ബസിൽ പൊലീസ് പരിശോധിച്ചപ്പോൾ കഞ്ചാവ് അടങ്ങിയ ബാഗ് ആളില്ലാത്ത നിലയിൽ കണ്ടു. യാത്രക്കാരെ ചോദ്യംചെയ്തപ്പോഴാണ് മുരുകാനന്ദനെ കണ്ടെത്തിയത്. സുൽഫിക്കറിന് നൽകാനാണ് കഞ്ചാവ് കൊണ്ടുവന്നതെന്ന് മുരുകാനന്ദൻ പറഞ്ഞു. ഇതിൻെറ അടിസ്ഥാനത്തിൽ മുരുകാനന്ദനെക്കൊണ്ട് ഫോൺ ചെയ്യിപ്പിച്ച് സുൽഫിക്കറെയും പിടികൂടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.