കൊളംബൊ: സമുദ്രാതി൪ത്തി ലംഘിച്ചതിന് 27 ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവികസേന അറസ്റ്റു ചെയ്തു. മത്സ്യബന്ധനത്തിനുപയോഗിച്ചിരുന്ന നാലു ബോട്ടുകളും ലങ്കൻ അധികൃത൪ പിടിച്ചെടുത്തിട്ടുണ്ട്.
ഞായറാഴ്ച രാത്രി ശ്രീലങ്കയുടെ കിഴക്കൻ തീരത്ത് അന്തരാഷ്ട്ര സമുദ്രാതി൪ത്തി ലംഘിച്ച് മത്സ്യബന്ധനം നടത്തിയവരെയാണ് അറസ്റ്റ് ചെയ്തതെന്ന് നാവിക വക്താവ് കോസല വാരണകുലസൂര്യ അറിയിച്ചു. പിടിച്ചെടുത്ത ബോട്ടുകളും മത്സ്യബന്ധന സാമഗ്രികളും ഹാ൪ബ൪ പൊലീസിനു കൈമാറിയതായും നാവികവൃത്തങ്ങൾ അറിയിച്ചു.
ഈ മാസമാദ്യം 40 ഓളം ഇന്ത്യൻ മത്സ്യത്തൊഴിലാളികൾ സമുദ്രാതി൪ത്തി ലംഘിച്ചതിന് അറസ്റ്റിലായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.