തിരുവനന്തപുരം: മലങ്കര കത്തോലിക്കാ സഭയുടെ പരമാധ്യക്ഷൻ മേജ൪ ആ൪ച്ച് ബിഷപ് ബസേലിയോസ് ക്ളിമ്മീസ് കാതോലിക്കാ ബാവക്ക് ക൪ദിനാൾ പദവി. ഇതുസംബന്ധിച്ച പ്രഖ്യാപനം റോമിൽ ബനഡിക്ട് പതിനാറാമൻ മാ൪പ്പാപ്പ നടത്തി. മാ൪പ്പാപ്പയുടെ പ്രഖ്യാപനം നടന്ന അതേസമയം തിരുവനന്തപുരം പട്ടം സെൻറ് മേരീസ് കത്തീഡ്രൽ ദേവാലയത്തിൽ നടന്ന ചടങ്ങിൽ ഇതുസംബന്ധിച്ച അറിയിപ്പ് സഭാസിനഡ് സെക്രട്ടറി ആ൪ച്ച് ബിഷപ് തോമസ് മാ൪ കൂറിലോസ് വായിച്ചു. സ്ഥാനാഭിഷേകം നവംബ൪ 24ന് മാ൪പ്പാപ്പയുടെ മുഖ്യകാ൪മികത്വത്തിൽ റോമിൽ നടക്കും.
ക൪ദിനാൾ പദവി ലഭിക്കുന്ന അഞ്ചാമത്തെ മലയാളിയാണ് ബസേലിയോസ് ക്ളിമ്മീസ് കാതോലിക്കാ ബാവ. മലങ്കര കത്തോലിക്കാ സഭയുടെ 82 വ൪ഷത്തെ ചരിത്രത്തിൽ ആദ്യമായാണ് ക൪ദിനാൾ പദവി ലഭിക്കുന്നത്. ഒരേ കാലഘട്ടത്തിൽ ത്തന്നെ കേരളത്തിലെ രണ്ടുപേ൪ ക൪ദിനാൾ പദവിയിലിരിക്കുന്നതും ഇതാദ്യമായാണ്. സീറോ മലബാ൪ സഭയിലെ ആ൪ച്ച് ബിഷപ്പുമാരായ ജോസഫ് പാറേക്കാട്ടിൽ, ആൻറണി പടിയറ, വ൪ക്കി വിതയത്തിൽ, ജോ൪ജ് ആലഞ്ചേരി എന്നിവ൪ക്കാണ് കേരളത്തിൽനിന്ന് ഇതിന്മുമ്പ് ക൪ദിനാൾ പദവി ലഭിച്ചിട്ടുള്ളത്. കേരളത്തിൽ സീറോ മലബാ൪ സഭയിൽനിന്ന് മാത്രം ക൪ദിനാൾമാരെ തെരഞ്ഞെടുത്തിരുന്ന ചരിത്രമാണ് ബസേലിയോസ് ക്ളിമ്മീസിൻെറ സ്ഥാനലബ്ധിയോടെ തിരുത്തപ്പെട്ടിരിക്കുന്നത്. ഇതോടെ മാ൪പ്പാപ്പയെ തെരഞ്ഞെടുക്കുന്നതിനുള്ള മെത്രാൻ സംഘത്തിലും മാ൪ ക്ളിമ്മീസിന് ഇടംലഭിക്കും.
കേരളത്തിൽ സീറോ മലബാ൪ സഭയെ നയിക്കുന്ന മാ൪ ജോ൪ജ് ആലഞ്ചേരിയാണ് ജീവിച്ചിരിക്കുന്ന ഏക മലയാളി ക൪ദിനാൾ. അദ്ദേഹത്തിന് പുറമെ മുംബൈ, റാഞ്ചി എന്നിവിടങ്ങളിൽ മാത്രമാണ് രാജ്യത്ത് സജീവ സേവനത്തിലുള്ള ക൪ദിനാൾമാ൪ ഉള്ളത്. ലോകത്തെ ഏറ്റവും പ്രായംകുറഞ്ഞ ക൪ദിനാളും 53 വയസ്സുകാരനായ ക്ളിമ്മീസ് കാതോലിക്കാ ബാവയായിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.