പോപുലര്‍ ഫ്രണ്ട് വാഹനജാഥക്കുനേരെ അക്രമം; എട്ടുപേര്‍ക്ക് പരിക്ക്

പയ്യന്നൂ൪: രാമന്തളി പാലക്കോട് പോപുല൪ ഫ്രണ്ട് വാഹനപ്രചാരണ ജാഥക്കുനേരെ അക്രമം. സംഭവത്തിൽ എട്ട് പ്രവ൪ത്തക൪ക്ക് പരിക്കേറ്റു. പ്രചാരണ വഹനം അടിച്ചുതക൪ത്തു.
പരിക്കേറ്റ പോപുല൪ ഫ്രണ്ട് പ്രവ൪ത്തകരായ ഷബീ൪, ഇഖ്ബാൽ, നൗഷാദ്, ആഷിഖ് തുടങ്ങിയവരെ  പയ്യന്നൂ൪ ഗവ. ആശുപത്രിയിൽ പ്രവേശിപ്പിച്ചു. വെള്ളിയാഴ്ച രാത്രി 7.30ഓടെയാണ് സംഭവം. വെള്ളിയാഴ്ച പര്യടനം നടത്തിയ ജാഥ രാത്രി പാലക്കോടെത്തിയപ്പോൾ 30ഓളം വരുന്ന മുസ്ലിം ലീഗ് പ്രവ൪ത്തക൪ അക്രമം അഴിച്ചുവിട്ടതായാണ് പരാതി.
ജാഥയുമായെത്തിയ കെ.എൽ 11 ജി  703 ടാറ്റാ സുമോയുടെ ഗ്ളാസുകൾ അടിച്ചുതക൪ത്തശേഷം പ്രവ൪ത്തകരെ ആക്രമിച്ചതായാണ് പരാതി. വിവരമറിഞ്ഞ് പയ്യന്നൂ൪ സി.ഐ പി.കെ. ധനഞ്ജയബാബുവിൻെറ നേതൃത്വത്തിൽ പയ്യന്നൂ൪ പൊലീസ് സ്ഥലത്തെത്തി. പ്രദേശത്ത് രാത്രിയിലും പൊലീസ് കാവൽ തുടരുകയാണ്. എന്നാൽ, അക്രമിച്ച സംഭവത്തിൽ പങ്കില്ലെന്ന് മുസ്ലിം ലീഗ് നേതാക്കൾ അറിയിച്ചു.