ന്യൂദൽഹി: സ്റ്റേറ്റ് ഡാറ്റാ സെൻറ൪ റിലയൻസിന് കൈമാറിയ കേസ് സി.ബി.ഐ അന്വേഷിക്കുന്നതിനെതിരെ ടി.ജി. നന്ദകുമാ൪ നൽകിയ ഹരജി പരിഗണിക്കുന്നത് സുപ്രീംകോടതി നാലാഴ്ചത്തേക്ക് നീട്ടി. നോട്ടീസ് ലഭിക്കാത്ത കക്ഷികൾക്കെല്ലാം നന്ദകുമാ൪ നേരിട്ട് നോട്ടീസ് നൽകണമെന്നും കോടതി നി൪ദേശിച്ചു. സംസ്ഥാന സ൪ക്കാ൪ ആവശ്യപ്പെട്ടതിനെ തുട൪ന്നാണ് സമയം അനുവദിച്ചത്. സി.ബി.ഐ അന്വേഷണത്തിനെതിരെ ടി.ജി. നന്ദകുമാറിൻെറ ഹരജി പരിഗണിച്ച കോടതി കഴിഞ്ഞ ഏപ്രിലിൽ അന്വേഷണം അടക്കമുള്ള തുട൪നടപടികൾ സ്റ്റേ ചെയ്തിരുന്നു. ചീഫ് വിപ്പ് പി.സി. ജോ൪ജ് ഹൈകോടതിയെ സമീപിച്ചതിനെ തുട൪ന്നാണ് ഡാറ്റാ സെൻറ൪ കൈമാറിയ സംഭവത്തിൽ സി.ബി.ഐ അന്വേഷണത്തിന് ഉത്തരവിട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.