വാഗ: ഇന്ത്യയിൽ നിന്ന് പാകിസ്താനിലേക്ക് പോവുകയായിരുന്ന സംജോഝ എക്സ്പ്രസിൽ നിന്ന് വൻ മയക്കുമരുന്ന്, ആയുധശേഖരം എന്നിവ കണ്ടെത്തി. പഞ്ചാബിലെ വാഗ അതി൪ത്തിയിൽ ഇന്ത്യൻ സുരക്ഷാ ഉദ്യോഗസ്ഥ൪ നടത്തിയ പരിശോധനയിലാണ് ആയുധങ്ങളും മയക്കുമരുന്നും കണ്ടെത്തിയത്.
505 കോടി രൂപവിലവരുന്ന 101 കിലോഗ്രാം ഹെറോയിൻ, 500 റൗണ്ട് തിര എന്നിവയാണ് പിടികൂടിയത്.
ദൽഹിയിൽ നിന്ന് പാകിസ്താനിലേക്കുകയായിരുന്നു ട്രെയിൻ. വാഗ സ്റ്റേഷനിൽ മറ്റ് ചരക്കുകളെല്ലാം ഇറക്കിയശേഷം ട്രെയിനിൻെറ ഗോഡൗൺ പരിശോധിച്ചപ്പോഴാണ് മയക്കുമരുന്നും ആയുധങ്ങളും കണ്ടെത്തിയത്.
ഹെറോയിൻ ഒരുകിലോ വീതം ഓരോ പാക്കറ്റിലായാണ് ഉണ്ടായിരുന്നത്.
ഇന്ത്യയുടെ വിവിധ ഭാഗങ്ങളിലേക്കും അയൽ രാജ്യങ്ങളിലേക്കും മയക്ക് മരുന്ന് വിതരണം ചെയ്യുന്ന പ്രധാന കേന്ദ്രമാണ് പഞ്ചാബ് എന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.