കയ്പമംഗലം: വഴിയമ്പലത്ത് വീട്ടമ്മയെയും ബന്ധുവായ യുവാവിനെയും കുത്തേറ്റ നിലയിൽ കണ്ടെത്തി. വഴിയമ്പലം കുറ്റിക്കാട്ട് ക്ഷേത്രത്തിന് വടക്കുഭാഗത്ത് എടശ്ശേരി വീട്ടിൽ സുധീറിൻെറ ഭാര്യ ഷീബക്കാണ് (30) കുത്തേറ്റത്. ബന്ധുവും കൊടകര സ്വദേശിയുമായ മുതുപറമ്പിൽ അജിത്തിനെ കൈയിൽ മുറിവേറ്റ നിലയിലും കണ്ടെത്തി. ചൊവ്വാഴ്ച വൈകീട്ട് നാലോടെയാണ് സംഭവം. ഷീബയുടെ വീട്ടിൽനിന്ന് നിലവിളി കേട്ട് ഓടിയെത്തിയ അയൽവാസികളാണ് രക്തത്തിൽ കുളിച്ച നിലയിൽ ഇരുവരെയും കണ്ടെത്തിയത്. ഷീബയെ രക്ഷിക്കാനെത്തിയ അയൽവാസി ഡോളിയെയും അജിത്ത് മ൪ദിച്ചു. പുറത്തും വയറ്റിലും കുത്തേറ്റ ഷീബയെയും കൈയിൽ മുറിവേറ്റ അജിത്തിനെയും നാട്ടുകാ൪ ആശുപത്രിയിലെത്തിച്ചു. ഭ൪ത്താവ് വിദേശത്തുള്ള ഷീബ രണ്ട് പെൺമക്കളോടൊപ്പമാണ് താമസിച്ചിരുന്നത്. സംഭവസമയത്ത് ഷീബ മാത്രമെ വീട്ടിലുണ്ടായിരുന്നുള്ളൂവെന്ന് നാട്ടുകാ൪ പറയുന്നു. സംഭവമറിഞ്ഞ് മതിലകം എസ്.ഐ ഡി. മിഥുൻെറ നേതൃത്വത്തിൽ പൊലീസ് സ്ഥലത്തെത്തി. കുടുംബ ത൪ക്കമാണ് സംഭവത്തിന് കാരണമെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.