ന്യൂദൽഹി: നാട്ടിൽവരുന്ന പ്രവാസികൾ സ്വ൪ണാഭരണങ്ങൾക്ക് ഇറക്കുമതി നികുതി നൽകാൻ നി൪ബന്ധിക്കപ്പെടുന്ന പ്രശ്നം പരിഹരിക്കാൻ ഇടപെടണമെന്നാവശ്യപ്പെട്ട് പ്രവാസി മന്ത്രി വയലാ൪ രവി പ്രധാനമന്ത്രി മൻമോഹൻസിങ്ങിന് കത്തെഴുതി. പതിറ്റാണ്ടുകൾക്കുമുമ്പുള്ള സ്വ൪ണ വില കണക്കാക്കി നികുതിപരിധി അനുസരിച്ച് ഇപ്പോൾ നികുതി പിടിക്കുമ്പോൾ വലിയ പ്രയാസമാണ് പ്രവാസി കുടുംബങ്ങൾ നേരിടുന്നത്. 1967 ൽ നിശ്ചയിച്ച പരിധി പ്രകാരം സ്ത്രീകൾ 20,000 രൂപയിലും പുരുഷന്മാ൪ 10,000 രൂപയിലും കൂടുതൽ വിലക്കുള്ള സ്വ൪ണാഭരണം ധരിച്ചിട്ടുണ്ടെങ്കിൽ ഇറക്കുമതി ചുങ്കം നൽകണം.
പവന് 22,000 രൂപയിലേറെ വിലയുള്ള ഇക്കാലത്ത് ഒരു പവൻെറ ആഭരണമുള്ളവ൪പോലും നികുതി നൽകാൻ നി൪ബന്ധിക്കപ്പെടുകയാണ്. അതുകൊണ്ട് പ്രധാനമന്ത്രി ഇടപെട്ട് നികുതി പരിധി ഇന്നത്തെ സ്വ൪ണ വിലക്ക് അനുസൃതമായി മാറ്റി നിശ്ചയിക്കണമെന്ന് വയലാ൪ രവി ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.