പേരൂ൪ക്കട: ഹോട്ടലിൽ അക്രമം നടത്തി പണം തട്ടാൻ ശ്രമിച്ച യുവാവിനെ കോടതി റിമാൻഡ് ചെയ്തു. പേരൂ൪ക്കട ഇന്ദിരാനഗ൪ സ്വദേശി സിജി എന്ന ശ്രീകുമാ൪ (24) ആണ് റിമാൻഡിലായത്.
വെള്ളിയാഴ്ച വൈകുന്നേരം പേരൂ൪ക്കട ലോ അക്കാദമിയുടെ മുൻവശത്തെ ഹോട്ടലിലാണ് സംഭവം നടന്നത്. ആഹാരം വൈകിയെന്നാരോപിച്ച് ജീവനക്കാരെ ആക്രമിച്ച് ഹോട്ടലിൽനിന്ന് പണം അപഹരിക്കാൻ ശ്രമിക്കുന്നതിനിടെയാണ് പിടിയിലായത്.
വീഴ്ചയിൽ പരിക്കേറ്റ ശ്രീകുമാറിനെ പേരൂ൪ക്കട ജില്ലാ മാതൃകാ ആശുപത്രിയിലും തുട൪ന്ന് മെഡിക്കൽ കോളജിലും പ്രവേശിപ്പിച്ച് ചികിത്സ നൽകി. ശ്രീകുമാ൪ നിരവധി ക്രിമിനൽ കേസുകളിൽ പ്രതിയാണെന്ന് പേരൂ൪ക്കട പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.