ന്യൂയോര്‍ക്ക്: ലതാ മങ്കഷേ്കറെയും സചിന്‍ ടെണ്ടുല്‍കറെയും അവഹേളിച്ച ്കഴിഞ്ഞ ദിവസം സാമൂഹികമാധ്യമങ്ങളില്‍ വിഡിയോ പ്രദര്‍ശിപ്പിച്ചതിന് പിന്നാലെ ന്യൂയോര്‍ക്ക് ടൈംസും ലത മങ്കേഷ്കറെ അപമാനിച്ച് രംഗത്ത്. ഏതോ ഒരു പാട്ടുകാരിയെന്ന് പറയപ്പെടുന്ന എന്നാണ് ലതയെ ന്യൂയോര്‍ക്ക് ടൈംസ് വിശേഷിപ്പിച്ചത്. തന്‍മയ് ഭട്ടിന്‍െറ ''സചിന്‍ വേഴ്സസ് ലതാ സിവില്‍ വാര്‍‘''എന്ന വീഡിയോയുമായി ബന്ധപ്പെട്ട് ന്യൂയോര്‍ക്ക് ടൈംസില്‍ വന്ന ലേഖനത്തിലാണ് ഈ തരത്തില്‍ പരാമര്‍ശം ഉണ്ടായത്.
കഴിഞ്ഞ 26ന് സ്നാപ്ചാറ്റിലും ഫേസ്ബുക്കിലുമായി ‘സചിന്‍ വേഴ്സസ് ലതാ സിവില്‍ വാര്‍‘ എന്ന പേരില്‍ വിഡിയോ പ്രചരിച്ചത്. വീരാട് കോഹ്ലിയാണോ സചിനാണോ മികച്ച ബാറ്റ്സ്മാന്‍ എന്നതിനെ ചൊല്ലി സചിനും ലതാ മങ്കഷേ്കറും തമ്മില്‍ തര്‍ക്കിക്കുന്നതാണ് വിഡിയോ ക്ളിപ്. വിവാദ വിഡിയോ നീക്കം ചെയ്യന്‍ ആവശ്യപ്പെട്ട് ഗൂഗ്ളും ,യുടൂബുമായി ബന്ധപ്പെടുമെന്ന് മുംബൈ പൊലീസ് അറിയിച്ചിരുന്നു.
ലതാമങ്കേഷ്ക്കറിനെ അവഹേളിച്ചതിനെതിരെ ട്വിറ്ററിലൂടെയും മറ്റു സോഷ്യല്‍ മീഡിയയിലൂടെയും സാംസ്കാരിക നായകന്‍മാര്‍,രാഷ്ട്രീയക്കാര്‍,ബോളിവുഡ് നടന്‍മാര്‍ എന്നിവര്‍ ന്യൂയോര്‍ക്ക് ടൈംസിനെതിരെ ശക്തമായ രീതിയില്‍ രംഗത്ത് വന്നിട്ടുണ്ട് . സചിന്‍ വേഴ്സസ് ലതാ സിവില്‍ വാര്‍‘ എന്ന വീഡിയോക്കെതിരെ നടപടി ആവശ്യപ്പെട്ട് ശിവസേനാ നേതാവ് നീലം ഗോറെ മുഖ്യമന്ത്രി ദേവേന്ദ്ര ഫട്നവിസിനും മുംബൈ പൊലീസ് കമീഷണര്‍ക്കും കത്തുനല്‍കിയിരുന്നു. :
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.