ന്യൂഡല്ഹി: സുപ്രീംകോടതി മുന് ചീഫ് ജസ്റ്റിസ് കെ.ബി. ബാലകൃഷ്ണനെതിരായ അനധികൃത സ്വത്ത് സമ്പാദനക്കേസുമായി ബന്ധപ്പെട്ട് ആദായ നികുതി വകുപ്പ് നടത്തിയ അന്വേഷണത്തിന്െറ റിപ്പോര്ട്ട് ഹാജരാക്കാന് സുപ്രീംകോടതി നിര്ദേശിച്ചു.
ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് അറ്റോണി ജനറലിനോട് ഇക്കാര്യം നിര്ദേശിച്ചത്. അനധികൃത സ്വത്ത് സമ്പാദനക്കേസില് ആരോപണവിധേയനായ കെ.ജി. ബാലകൃഷ്ണനെ ദേശീയ മനുഷ്യാവകാശ കമീഷന് അധ്യക്ഷസ്ഥാനത്തുനിന്ന് മാറ്റണമെന്ന് ആവശ്യപ്പെട്ട് കോമണ്കോസ് എന്ന സംഘടന ഒന്നര വര്ഷം മുമ്പ് സമര്പ്പിച്ച ഹരജിയാണ് ചൊവ്വാഴ്ച കോടതിയുടെ പരിഗണനക്ക് വന്നത്.
ബാലകൃഷ്ണന് മനുഷ്യാവകാശ കമീഷന് അധ്യക്ഷസ്ഥാനം ഒഴിഞ്ഞതിനാല് ഹരജിക്ക് പ്രസക്തിയില്ളെന്ന് കോടതി നിരീക്ഷിച്ചു. എന്നാല്, അത് ഒരു ആവശ്യം മാത്രമാണെന്നും അനധികൃത സ്വത്ത് സമ്പാദനം അന്വേഷിക്കണമെന്നതാണ് പ്രധാന ആവശ്യമെന്നും കോമണ്കോസിന് വേണ്ടി ഹാജരായ പ്രശാന്ത് ഭൂഷണ് വാദിച്ചു. ഇതേതുടര്ന്നാണ് ആദായനികുതി വകുപ്പ് നടത്തിയ അന്വേഷണത്തിന്െറ റിപ്പോര്ട്ട് ഹാജരാക്കാന് കോടതി നിര്ദേശിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.