ശ്രീനഗര്: ജമ്മുകശ്മീരിലെ ബാരാമുല്ലയില് സുരക്ഷാ സൈനികരും തീവ്രവാദികളും തമ്മിലുണ്ടായ ഏറ്റുമുട്ടലില് ജവാന് കൊല്ലപ്പെട്ടു. ബുധനാഴ്ച രാവിലെ 7.30 ഓടെയാണ് ബാരാമുല്ലയിലെ റാഫിയാബാദില് വെടിവെപ്പ് തുടങ്ങിയത്. ഇന്ത്യന് സേന ശക്തമായി തിരിച്ചടിച്ചു.
രണ്ട് തീവ്രവാദികളാണ് സൈന്യവുമായി ഏറ്റുമുട്ടലില് ഏര്പ്പെട്ടത്. താഴ് വരയിലെ ടെലിഫോണ് ഓപറേറ്റര്മാരെ ലക്ഷ്യംവെച്ച് അടുത്തിടെ ആക്രമണം നടത്തിയ അതേ സംഘം തന്നെയാണ് ബുധനാഴ്ചയും ആക്രമണം നടത്തിയതെന്നാണ് സംശയിക്കുന്നത്.
സ്ഥിതിഗതികള് നിയന്ത്രണവിധേയമാണെന്ന് സൈനിക ഓഫീസര് അറിയിച്ചു. ഗ്രാമത്തിലേക്ക് വന്ന തീവ്രവാദികളെ ഉടന് തന്നെ തുരത്തിയോടിക്കുമെന്നും സൈനിക ഓഫീസര് അറിയിച്ചു. ആഗസ്റ്റ് 28ന് ഈ പ്രദേശത്തുനിന്നാണ് ഒരു പാക് തീവ്രവാദിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.