ന്യൂഡല്ഹി: തുണിക്കടക്കാരനില്നിന്ന് 25,000 രൂപ കൈക്കൂലി വാങ്ങുന്നതിനിടെ ഡല്ഹി മെട്രോ പൊളിറ്റന് മജിസ്ട്രേറ്റിനെ സി.ബി.ഐ അറസ്റ്റ് ചെയ്തു.
ഡല്ഹി മുനിസിപ്പല് കോര്പറേഷന് മധ്യമേഖലാ സ്പെഷല് മെട്രോ പൊളിറ്റന് മജിസ്ട്രേറ്റ് ആര്.പി. ബാഷ്യയാണ് അറസ്റ്റിലായത്. അളകനന്ദ മാര്ക്കറ്റില് തുണിക്കട നടത്തിയിരുന്ന വ്യക്തിയില്നിന്നാണ് മജിസ്ട്രേറ്റ് കൈക്കൂലി ആവശ്യപ്പെട്ടത്. തുണിക്കട അടപ്പിക്കുമെന്ന് ഭീഷണിപ്പെടുത്തിയ മജിസ്ട്രേറ്റ് തീരുമാനം പിന്വലിക്കാന് കടയുടമയില്നിന്ന് 60,000 രൂപ ആവശ്യപ്പെടുകയായിരുന്നു. തുക ലജ്പത്നഗറിലെ ഇദ്ദേഹത്തിന്െറ ഓഫിസില് എത്തിക്കാനായിരുന്നു നിര്ദേശം. വിലപേശലിനുശേഷം തുക 25,000ത്തില് എത്തിക്കുകയായിരുന്നു. എന്നാല്, ഇക്കാര്യം കടയുടമ സി.ബി.ഐയെ അറിയിച്ചിരുന്നു. ലജ്പത്നഗറില് സി.ബി.ഐയുടെ നിര്ദേശപ്രകാരം കടയുടമ തുക കൈമാറുന്നതിനിടെയാണ് കൈയോടെ പിടിയിലായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.