മുംബൈ: പശ്ചിമ താണെയിലെ ബി കാബിന്, നവ്പാഡയില് മൂന്നുനില കെട്ടിടം തകര്ന്നുവീണ് 12 പേര് മരിച്ചു. ഏഴു പേര്ക്ക് പരിക്കേറ്റു. ചൊവ്വാഴ്ച പുലര്ച്ചെ 2.40നാണ് അപകടം. 50 വര്ഷം പഴക്കമുള്ള കൃഷ്ണനിവാസ് കെട്ടിടമാണ് തകര്ന്നത്. അപകടനിലയിലാണെന്ന് മുന്നറിയിപ്പ് നല്കി താണെ നഗരസഭ താമസക്കാരോട് ഒഴിഞ്ഞുപോകാന് ആവശ്യപ്പെട്ടിരുന്നു. എന്നാല്, ആറോളം കുടുംബങ്ങള് ഒഴിഞ്ഞുപോകാന് കൂട്ടാക്കിയിരുന്നില്ല. മരിച്ചവരില് ഏഴു പേര് സ്ത്രീകളാണ്. ഒരാഴ്ചക്കിടെ ഇത് രണ്ടാമത്തെ ദുരന്തമാണ്. കഴിഞ്ഞ 28ന് താണെയിലെ ടാകുര്ളിയില് മൂന്നുനില കെട്ടിടം തകര്ന്നുവീണ് രണ്ട് മലയാളികള് അടക്കം ഒമ്പതു പേര് മരിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.