രഞ്ജിത് സംവിധാനം ചെയ്ത തിരക്കഥ എന്ന ചിത്രത്തെ കുറിച്ച് ഓർക്കുേമ്പാൾ നമ്മുടെ കാതുകളിലേക്ക് ഓടിയെത്ത ുന്ന ഒരു ഗാനമുണ്ട് ശരത് സംഗീതം നൽകിയ ‘പാലപ്പൂവിതളിൽ വെണ്ണിലാപ്പുഴയിൽ ലാസ്യമാർന്നണയും സുരഭീരാത്രീ... ഈ ഗാനത് തിലൂടെ മലയാളികളുടെ മനസ്സിൽ കേറിക്കൂടിയ ഗായകനാണ് നിഷാദ്. സിനിമാ ഗാനങ്ങൾക്ക് പുറമേ നിഷാദ് ആൽബം മേഖലയിലേക്ക ് കടന്നിരിക്കുകയാണിപ്പോൾ.
ചിത്രശലഭം എന്ന പേരിൽ പുറത്തിറങ്ങിയ ആൽബത്തിലെ ആദ്യ ഗാനം ഇപ്പോൾ യൂട്യൂബിൽ മികച്ച പ്രതികരണവുമായി മുന്നേറുകയാണ്. നാല് ഗാനങ്ങളുൾപ്പെട്ട ആൽബത്തിലെ ‘നേർത്ത നിലാവിൻെറ’ എന്ന് തുടങ്ങുന്ന ഗാനമാണ് ആദ്യമായി റിലീസ് ചെയ്തിരിക്കുന്നത്.
പി.കെ ഗോപിയുടെ വരികൾക്ക് സംഗീതം നൽകിയത് ബിജീഷ് കൃഷ്ണയാണ്. ഗാനരംഗത്തിൽ അഭിനയിച്ചിരിക്കുന്നതാകട്ടെ നിഷാദും ഭാര്യ സവിജയും മകന്‍ ആദിത്യനുമാണ്. നിഷാദിൻെറ ബന്ധു കൂടിയായ അനുശ്രീ ചന്ദ്രനാണ് ആല്‍ബം സംവിധാനം ചെയ്തിരിക്കുന്നത്.
തിരക്കഥയിലെ ഗാനത്തിന് പുറമേ മാമ്പഴക്കാലത്തിലെ 'കണ്ടു കണ്ടു കൊതി കൊണ്ടു കൊണ്ടു' എന്ന ഗാനവും നോട്ടത്തിലെ മയങ്ങിപ്പോയി, നടനിലെ ഒറ്റയ്ക്കു പാടുന്ന തുടങ്ങിയ ഗാനങ്ങളും നിഷാദ് പാടിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.