റായ്പൂർ: പ്രശ്സ്ത ഗായകൻ ഉദിത് നാരായണെൻറ മകനും യുവഗായകനുമായ ആദിത്യ നാരായൺ എയർലൈൻസ് ജീവനക്കാരോട് മോശമായി പെരുമാറുന്ന ദൃശ്യങ്ങൾ വൈറലാകുന്നു. റായ്പൂർ വിമാനത്താവളത്തിൽ എത്തിയ ആദിത്യ ഇൻഡിഗോ എയർലൈൻസ് ജീവനക്കാരോടാണ് തട്ടികയറിയത്.
17 കിലോ ലഗേജാണ് വിമാനത്താവളത്തിൽ അനുവദിച്ചിരുന്നത്. അനുവദീയമായതിലും കൂടുതൽ ബാഗേജുമായി എത്തിയ ഗായകനെ ചോദ്യം ചെയ്തതിനാണ് ആദിത്യ ജീവനക്കാരെ ഭീഷണിപ്പെടുത്തിയത്. ‘നീയെപ്പോഴെങ്കിലും മുംബൈയിൽ വരിയാണെങ്കിൽ അന്ന് കണ്ടോളാം’ എന്നായിരുന്നു ഗായകെൻറ ഭീഷണി. എന്നാൽ എയർലൈൻസ് അധികൃതർ തങ്ങളുടെ നിലപാടിൽ ഉറച്ചുനിന്നു. ജീവനക്കാരോട് മാപ്പുപറയിപ്പിച്ച ശേഷമാണ് ആദിത്യയെ വിമാനത്തിൽ കയറ്റിയത്.
ദൃശ്യങ്ങൾ പുറത്തുവന്നതോടെ ജീവനക്കാരനാണ് തന്നോട് അപമര്യാദയായി പെരുമാറിയതെന്ന് ആദിത്യ പ്രതികരിച്ചു. ബാഗേജിെൻറ പേരിൽ പോലും എയർലൈൻ അധികൃതർ യാത്രക്കാരെ കരിമ്പട്ടികയിൽ പെടുത്തമെന്ന് ഭീഷണിപ്പെടുത്തുന്ന അവസ്ഥയാണുള്ളതെന്ന് ആദിത്യയുടെ സംഘാംഗം ആരോപിച്ചു.
ദസറ ആഘോഷങ്ങളുടെ ഭാഗമായി റായ്പൂരിൽ സംഗീതപരിപാടി അവതരിപ്പിച്ച ശേഷം മുംബൈയിലേക്ക് മടങ്ങാനെത്തിയതായിരുന്നു ആദിത്യ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.