മംഗളൂരു: കാര്വാറിനടുത്ത കുംടയില് തെരുവില് അലയുകയായിരുന്ന കന്നട ചലച്ചിത്രനടന് സദാശിവ ബ്രഹ്മാവറിനെ തിരിച്ചറിഞ്ഞ് നാട്ടുകാര് ആഹാരവും താമസസൗകര്യവും നല്കി. അദ്ദേഹത്തിെൻറ ആഗ്രഹപ്രകാരം ഹുബ്ബള്ളിയിലേക്ക് ബസ് കയറ്റിവിട്ടു.
ബംഗളൂരുവിലെ വീട്ടില്നിന്ന് ബന്ധുക്കള് ഇറക്കിവിട്ടതിനെ തുടര്ന്ന് അലഞ്ഞുതിരിഞ്ഞാണ് കുംടയിലെത്തിയത്. സംശയംതോന്നിയ ഏതാനും യുവാക്കള് അദ്ദേഹവുമായി സംസാരിച്ചു. ആദ്യം മുഖംതിരിച്ച നടന് യുവാക്കളുടെ സ്നേഹത്തിന് വഴങ്ങി അനുഭവംപങ്കിട്ടു. അഭിനയജീവിതത്തിൽ പണം ഒഴികെ എല്ലാം നേടി. തെൻറ തലവിധിയാണ് ഈ അവസ്ഥയെന്നും അദ്ദേഹം പറഞ്ഞു.
വിവരമറിഞ്ഞ് എത്തിയ പൊലീസ് സംരക്ഷണം നല്കാം എന്ന് അറിയിച്ചെങ്കിലും നിരാകരിച്ച നടന് ഹുബ്ബള്ളിയില് പരിചയക്കാരുണ്ട് എന്ന് അറിയിക്കുകയായിരുന്നു. ബസ്സ്റ്റാൻഡുവരെ ഒപ്പംചെന്ന യുവാക്കള് ഹുബ്ബള്ളിയിലേക്ക് ടിക്കറ്റ് എടുത്തുകൊടുത്തു. കന്നട, തുളു ഭാഷകളിലായി 150ലേറെ സിനിമകളിലും അനേകം ടി.വി സീരിയലുകളിലും അഭിനയിച്ച സദാശിവ നിരവധി പുരസ്കാരങ്ങള് നേടിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.