നീണ്ട ഇടവേളക്ക് ശേഷം പാർവതി തിരുവോത്ത് കേന്ദ്രകഥാപാത്രമാകുന്ന ഉയരെ എന്ന ചിത്രത്തിൻെറ ട്രെയിലർ പുറത്തു വിട്ടു. അന്തരിച്ച പ്രശസ്ത സംവിധായകൻ രാജേഷ് പിള്ളയുടെ ഏറ്റവും പ്രിയ ശിഷ്യനായ മനു അശോകനാണ് ചിത്രം സംവിധാനം െചയ്യുന്നത്. സൂപ്പർഹിറ്റ് തിരക്കഥ കൂട്ടുകെട്ടായ ബോബി- സഞ്ജയ് എന്നിവരാണ് ഉയരെക്ക് രചന നിർവഹിച്ചിരിക്കുന്നത്.
ആസിഫ് അലി, ടൊവിനോ തോമസ് എന്നിവരും ചിത്രത്തിൽ പ്രധാനവേഷത്തിലെത്തുന്നുണ്ട്. പല്ലവി എന്ന കഥാപാത്രമായാണ്‌ പാർവതി അഭിനയിക്കുന്നത്‌. നോട്ട്ബുക്ക് എന്ന സിനിമയ്ക്കു ശേഷം പാർവതിയും ബോബി സഞ്ജയ് ടീമും ഒന്നിക്കുന്ന എന്ന പ്രത്യേകതയും ഉയരെക്കുണ്ട്.
സിദ്ദിഖ്, പ്രതാപ് പോത്തന്‍, പ്രേം പ്രകാശ് എന്നിവരാണ് മറ്റുതാരങ്ങൾ.മുകേഷ് മുരളീധരൻ ക്യാമറ കൈകാര്യം ചെയ്യുന്ന ചിത്രത്തിന് എഡിറ്റിങ് നിർവഹിക്കുന്നത് മഹേഷ് നാരായണൻ. ഗോപി സുന്ദറാണ് സംഗീതം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.