സസ്‌പെന്‍സിനും ഹാസ്യത്തിനും ഏറെ പ്രാധാന്യം നല്‍കുന്ന ‘താക്കോല്‍’ ഡിസംബര്‍ 6ന് പ്രദര്‍ശനത്തിനെത്തും. സൂപ്പര ്‍ഹിറ്റ് ചിത്രങ്ങളുടെ സംവിധായകന്‍ ഷാജി കൈലാസ് നിര്‍മ്മിച്ച ചിത്രം സംവിധാനം നിർവഹിക്കുന്നത് മാധ്യമപ്രവര്‍ത് തകനായ കിരൺ പ്രഭാകറാണ്. സ്‌ട്രെയ്റ്റ് ലൈന്‍ സിനിമാസും രാജശ്രീ ഫിലിംസും ചേര്‍ന്നാണ് ചിത്രം തിയേറ്ററുകളില്‍ എത്തിക്കുന്നത്.
കേരളത്തിലെ മലയോര ഗ്രാമത്തിലെ ക്രൈസ്തവ സമൂഹത്തിന്‍റെ പശ്ചാത്തലത്തിലുള്ള ചിത്രത്തില്‍ ഷാജി കൈലാസിന്‍റെ മകന്‍ റോഷിന്‍ ശ്രദ്ധേയ വേഷത്തിലെത്തുന്നു. ഇന്ദ്രജിത്ത്, മുരളി ഗോപി, നെടുമുടി വേണു, ലാല്‍, രഞ്ജിപണിക്കര്‍, സുധീര്‍ കരമന, പി. ബാലചന്ദ്രന്‍, സുദേവ് നായര്‍, ഡോ. റോണി, മീര വാസുദേവ് തുടങ്ങിയവര്‍ അഭിനയിക്കുന്നു. ഇനിയയാണ് ചിത്രത്തിലെ നായിക.
ശബ്ദത്തിനും സംഗീതത്തിനും പ്രാധാന്യമുള്ള ചിത്രത്തിന്‍റെ ശബ്ദവിന്യാസം നിര്‍വഹിച്ചത് റസൂല്‍ പൂക്കുട്ടിയാണ്. പശ്ചാത്തലസംഗീതവും, ഗാനങ്ങള്‍ക്ക് ഈണവും നല്‍കിയത് എം. ജയചന്ദ്രന്‍. പ്രഭാവര്‍മ, റഫീഖ് അഹമ്മദ്, സതീഷ് തുടങ്ങിയവരാണ് ഗാനരചന.
ഛായാഗ്രഹണം ആല്‍ബി, എഡിറ്റിങ് ശ്രീകാന്ത്, വസ്ത്രാലാങ്കാരം കുമാര്‍, സ്റ്റില്‍സ് ഹരിതിരുമല, ശ്രീജിത്ത് ചെട്ടിപ്പടി, ഡിസൈന്‍ ആനന്ദ് രാജേന്ദ്രന്‍ എന്നിവർ നിർവഹിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.