പൃഥ്വിരാജ് ചിത്രം 9 തിയേറ്ററുകളിൽ വിജയകരമായി പ്രദർശനം തുടരുകയാണ്. ചിത്രത്തെ വാനോളം പുകഴ്ത്തി നിരവധി പേർ ഇതിന കം തന്നെ രംഗത്തെത്തി. ചിത്രത്തിന് വളരെ രസകരമായ കമന്‍റുകളും ആരാധകർ പങ്കുവെക്കുന്നുണ്ട്. ഇതിന് ഉരുളക്കുപ്പേരി പോലെയാണ് പൃഥ്വിയുടെ മറുപടി. അത്തരത്തിലുള്ള ഒരു കമന്‍റാണ് ഇപ്പോൾ വൈറലാകുന്നത്.
‘ചിത്രം കണ്ടു, ആകെ മൊത്തം കൺഫ്യൂഷന്‍, കിളിപോയി, ക്ലൈമാക്സ് ഒന്ന് വിശദീകരിച്ച് തരാമോ എന്നായിരുന്നു ആരാധകന്‍റെ കമന്‍റ്. ഇതിന് ചിത്രം ഒന്ന് കൂടി കണ്ടാല്‍ മതി, അപ്പോള്‍ പോയ കിളി തിരിച്ചു വന്നോളും എന്നായിരുന്നു പൃഥ്വിയുടെ മറുപടി.
Onnu koodi kandaal kili thirichu varum. But thanks for watching @JobinM5 https://t.co/J3FBjPbrOB
— Prithviraj Sukumaran (@PrithviOfficial) February 7, 2019
ജെനുസ് മുഹമ്മദാണ് ചിത്രം സംവിധാനം ചെയ്തത്. സോണി പിക്ചേഴ്സും പൃഥ്വിരാജ് പ്രൊഡക്ഷൻ ഹൗസും ചേർന്ന് വലിയ ബജറ്റിലാണ് ചിത്രം നിർമ്മിച്ചത്. അഭിനന്ദ് രാമാനുജമാണ് ഛായാഗ്രഹണം. സംഗീതം ഷാൻ റഹ്മാൻ. എഡിറ്റർ ഷമീർ മൊഹമ്മദ്. ആർട് ഗോകുൽ ദാസ്. പശ്ചാത്തലസംഗീതം ശേഖർ മേനോ‍ൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.