മഞ്ചേരി: ഒരു പാട്ടുകൊണ്ട് കാമ്പസുകളിൽ പേരെടുത്ത താൻ നായകനായി വേഷമിട്ട ആദ്യ ചിത്രം ‘പൂമരം’ മാർച്ച് രണ്ടാം വാരം പ്രദർശനത്തിനെത്തുമെന്ന് കാളിദാസ് ജയറാം പറഞ്ഞു. സി സോൺ കലോത്സവ വേദിയിലാണ് ഇക്കാര്യം പറഞ്ഞത്. ചിത്രം വൈകുന്നതിനാൽ തെൻറ പേരിൽ ഒട്ടേറെ ട്രോളുകളിറങ്ങിയിരുന്നെന്നും നടൻ പെൻഷൻ പറ്റിയാലും ചിത്രം വരില്ലേ എന്ന് ചിലർ സോഷ്യൽ മീഡിയയിലൂടെ ഉന്നയിച്ചിരുന്നെന്നും പറഞ്ഞാണ് ചിത്രം മാർച്ച് രണ്ടാം വാരം പുറത്തിറങ്ങുമെന്ന് പറഞ്ഞത്. ആദ്യമായാണ് ഇക്കാര്യം പുറത്തൊരാളോട് പറയുന്നതെന്നും കാളിദാസ് പറഞ്ഞു. കാമ്പസുകളിൽ ശ്രദ്ധനേടിയ ഗാനം ഫൈസൽ റാസി വിദ്യാർഥികൾക്കായി പാടി. കൂടെ ചിത്രത്തിൽ അഭിനയിച്ച കാളിദാസും ചേർന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.