ഏറെ നാളത്തെ ഇടവേളക്ക് ശേഷം സൂപ്പർഹിറ്റ് സംവിധായകൻ ഷാജി കൈലാസ് തിരിച്ചെത്തുന്ന കടുവ എന്ന പൃഥ്വിരാജ് സുകുമാരൻ ചിത്രത്തിെൻറ സെക്കൻറ്ലുക് പോസ്റ്റർ പുറത്തുവിട്ടു. ചിത്രത്തിെൻറ ഷൂട്ടിങ് അടുത്ത് തന്നെ ആരംഭിക്കുമെന്ന സൂചനയും പോസ്റ്റർ പങ്കുവെച്ചുകൊണ്ട് നടൻ പൃഥ്വിരാജ് നൽകുന്നുണ്ട്. ജിനു വി എബ്രഹാം തിരക്കഥയെഴുതുന്ന കടുവ നിർമിക്കുന്നത് പൃഥ്വിരാജ് പ്രൊഡക്ഷൻസിെൻറ ബാനറിൽ സുപ്രിയ മേനോനും മാജിക് ഫ്രെയിംസിെൻറ ലിസ്റ്റിൻ സ്റ്റീഫനും ചേർന്നാണ്.
കണ്ണിൽ ക്രൗര്യവും അടങ്ങാത്ത പോരാട്ടവീര്യവുമായി അവൻ വരുന്നു... പോസ്റ്റർ പങ്കുവെച്ചുകൊണ്ട് സംവിധായകൻ ഷാജി കൈലാസ് ഫേസ്ബുക്കിൽ കുറിച്ചത് ഇങ്ങനെയായിരുന്നു. എസ്. തമൻ ആണ് ചിത്രത്തിന് സംഗീതം നൽകുന്നത്. രവി കെ. ചന്ദ്രനാണ് ഛായാഗ്രഹണം. ഷമീർ മുഹമ്മദ് എഡിറ്റിങ്ങും നിർവഹിക്കുന്നു.
മാസങ്ങൾക്ക് മുമ്പ് പ്രഖ്യാപിച്ച ഷാജി കൈലാസ് ചിത്രം കടുവയുമായി സമീപ കാലത്ത് പ്രഖ്യാപിച്ച കടുവാക്കുന്നേൽ കുറുവാച്ചൻ എന്ന സുരേഷ് ഗോപി ചിത്രത്തിന് സാമ്യതയുണ്ടെന്ന് കാട്ടി തിരക്കഥാകൃത്തായ ജിനു വി എബ്രഹാം രംഗത്തെത്തിയിരുന്നു. ചിത്രത്തിലെ കഥാപാത്രത്തിെൻറ പേരടക്കം സമാനമാണെന്നായിരുന്നു അദ്ദേഹത്തിെൻറ ആരോപണം.
ഇതിന് പിന്നാലെ മുളകുപാടം ഫിലിംസിെൻറ ബാനറിൽ ടോമിച്ചൻ മുളകുപാടം നിർമിക്കുന്ന സുരേഷ് ഗോപിയുടെ 250ാം ചിത്രത്തിന് ഹൈകോടതി വിലക്കേർപ്പെടുത്തിയിരുന്നു. കടുവാക്കുന്നേൽ കുറുവാച്ചെൻറ പേരും തിരക്കഥയിലെ എല്ലാ സീനുകളും കോപ്പിറൈറ്റ് ആക്ട് പ്രകാരം രജിസ്റ്റർ ചെയ്തതിെൻറ രേഖകളും കോടതിയിൽ തിരക്കഥാകൃത്തായ ജിനു ഹാജരാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.