വിജയ് സൂപ്പർ നടനല്ലെന്ന സിദ്ദിഖിന്റെ പരമാർശത്തിന് മറുപടിയുമായി നടൻ ഹരീഷ് പേരടി. സിദ്ദീഖിന്റെ പരാമർശം എടുത ്ത് പറയാതെ ഫേസ്ബുക്കിലായിരുന്നു ഹരീഷിന്റെ മറുപടി.
'സ്വന്തം അനുഭവത്തിൽ പറയട്ടെ ഈ മനുഷ്യൻ സൂപ്പർ നടനുമാണ്, സൂപ്പർ താരവുമാണ്, സഹജീവികളോട് കരുണയുള്ള ജീവിക്കുന്ന കാലത്തോട് കൃത്യമായ നിലപാടുള്ള സൂപ്പർ മനുഷ്യനുമാണ്' എന്നാ യിരുന്നു ഹരീഷ് കുറിച്ചത്.
കുറിപ്പിന്റെ പൂർണരൂപം:
ഒരുപാട് കാലം കപ്പയും ചോറും മാത്രം കഴിച്ച് ശീലിച്ചവർ ഇഡിലീയും സാമ്പാറും, ബിരിയാണിയും ഒക്കെ സുപ്പർ ഭക്ഷണങ്ങളാണ് പക്ഷെ നല്ല ഭക്ഷണങ്ങളല്ലാ എന്ന് പറയുന്നത് ഭക്ഷണങ്ങളുടെ പ്രശനമല്ലാ.. അവനവന്റെ ആസ്വാദനവുമായി ബന്ധപ്പെട്ട വിഷയങ്ങളാണ്... സ്വന്തം അനുഭവത്തിൽ പറയട്ടെ ഈ മനുഷ്യൻ... സൂപ്പർ നടനുമാണ്, സൂപ്പർ താരവുമാണ്, സഹജീവികളോട് കരുണയുള്ള ജീവിക്കുന്ന കാലത്തോട് കൃത്യമായ നിലപാടുള്ള സൂപ്പർ മനുഷ്യനുമാണ്.
കഴിഞ്ഞ ദിവസം ഒരു അഭിമുഖത്തിലാണ് വിജയ് സൂപ്പർ നടനല്ലെന്ന് സിദ്ദിഖ് പറഞ്ഞത്. സൂപ്പര്സ്റ്റാറുകളെ ആശ്രയിച്ചാണ് സിനിമ നില്ക്കുന്നത്. ‘മധുരരാജ’ എന്ന സിനിമ ഉണ്ടാകണമെങ്കില് മമ്മൂക്കയും ‘ലൂസിഫര്’ എന്ന സിനിമ വരണമെങ്കില് മോഹന്ലാലും വേണം. ഈ സൂപ്പര്താരങ്ങളെ ആശ്രയിച്ചാണ് ഇന്ഡസ്ട്രി നില്ക്കുന്നത്. അത്തരം താരങ്ങളുടെ സിനിമ ആശ്രയിച്ചാണ് ഞങ്ങളെപ്പോലുള്ള നടീനടന്മാര് നിലനില്ക്കുന്നത്. നമ്മുടെ സൂപ്പര്താരങ്ങള് സൂപ്പര്നടന്മാരാണെന്നതാണ് മലയാളസിനിമയുടെ സൗഭാഗ്യം. അന്യഭാഷകളില് അത്തരം മഹിമകളില്ല. വിജയ് സൂപ്പര്സ്റ്റാറാണെങ്കിലും സൂപ്പര്നടനാണെന്ന് പറയാന്കഴിയില്ല. എന്നാല്, കമല്ഹാസന് സൂപ്പര്നടനും സൂപ്പര്സ്റ്റാറുമാണ് -ഇതായിരുന്നു സിദ്ദിഖിന്റെ വാക്കുകൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.