കൊച്ചി: നടിയ ആക്രമിച്ച കേസിൽ കുറ്റാരോപിതനായ ദിലീപിന് വിദേശയാത്രക്ക് അനുമതി. പ്രൊഫസർ ഡിങ്കൻ എന്ന ചിത്രത്തിെൻറ ഷൂട്ടിങ്ങിനായി വിദേശത്ത് പോകുന്നതിന് അനുമതി തേടി വ്യാഴാഴ്ച കോടതിയെ സമീപിച്ചിരുന്നു. എറണാകുളം പ്രിന്‍സിപ്പല്‍ സെഷന്‍സ് കോടതിയാണ് താരത്തിന് അനുമതി നൽകിയത്.
നടിയെ ആക്രമിച്ച കേസിലെ പ്രതിയായതിനെ തുടർന്ന് ദിലീപിന് ഇന്ത്യവിട്ട് പുറത്ത് പോകുന്നതിന് വിലക്കുണ്ടായിരുന്നു. കേസുമായി ബന്ധപ്പെട്ട് കോടതിയില്‍ സമര്‍പ്പിച്ചിരിക്കുന്ന പാസ്പോര്‍ട്ട് താല്‍ക്കാലികമായി തിരികെ നല്‍കാനും ഉത്തരവായി.
പ്രശസ്ത ഛായഗ്രാഹകന്‍ രാമചന്ദ്രബാബു ആദ്യമായി സംവിധാനം ചെയ്യുന്ന പ്രൊഫസർ ഡിങ്കെൻറ ലണ്ടനിലെ ഭാഗങ്ങൾ ചിത്രീകരിക്കാനായാണ് താര വിദേശ യാത്രാനുമതി തേടിയത്. നമിത പ്രമോദ് നായികയാകുന്ന ചിത്രത്തിൽ സുരാജ് വെഞ്ഞാറമൂട്, സൃന്ദ, അജു വര്‍ഗീസ് എന്നിവരും അഭിനയിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.