ചെന്നൈ: അപമര്യാദയായി പെരുമാറിയെന്നാരോപിച്ച് മലയാളി നടി അമലാ പോൾ നൽകിയ പരാതിയിൽ നൃത്ത സ്കൂൾ ഉടമസ്ഥനും അധ്യാപകനും ആയ യുവാവിനെ തമിഴ്നാട് പൊലീസ് അറസ്റ്റ് ചെയ്തു. കൊട്ടിവാക്കം സ്വദേശി അതിയേഷനെയാണ് പൊലീസ് അറസ്റ്റ് ചെയ്തത്. പിന്നീട് ഇയാളെ ജാമ്യത്തിൽ വിട്ടു.
അമല പോൾ ഉൾപ്പെടെ സിനിമാ പ്രവർത്തകർ ഇൗ മാസം മൂന്നിനു മലേഷ്യയിൽ സ്ത്രീ ശാക്തീകരണം വിഷയത്തിൽ മെഗാ ഷോ അവതരിപ്പിക്കുന്നുണ്ട്. മൂന്നു ദിവസമായി ഇതിെൻറ പരിശീലനം ചെന്നൈയിലെ സ്റ്റുഡിയോയിൽ നടക്കുന്നു. ഇവിടെ വെച്ച് അതിയേഷൻ അപമര്യാദയായി പെരുമാറിയെന്നാണു പരാതി. ഒറ്റയ്ക്കു യാത്ര ചെയ്യുന്ന പ്രഫഷനലുകളായ സ്ത്രീകളുടെ സുരക്ഷ കൂടി കണക്കിലെടുത്താണു പരാതി നൽകിയത്. ചെന്നൈ മാമ്പലം പൊലീസ് സ്റ്റേഷനിൽ നേരിട്ടെത്തിയാണു നടി പരാതി നൽകിയത്. അതിയേഷനെ അറസ്റ്റ് ചെയ്ത പൊലീസ് പ്രാഥമിക ചോദ്യം ചെയ്യലിനു ശേഷം ജാമ്യത്തിൽ വിടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.