പൃഥ്വിരാജ് നായകനായി തിയറ്ററുകളിൽ പ്രദർശനം തുടരുന്ന നിർമൽ സഹദേവ് ചിത്രം രണത്തിന് മോശം റിവ്യൂ പോസ്റ്റ് ചെയ്തതിെൻറ പേരിൽ ഒരു ലക്ഷത്തിലധികം മെമ്പർമാരുള്ള സിനിമാഗ്രൂപ്പ് പൂട്ടിച്ചതായി ആരോപണം. കഴിഞ്ഞ വ്യാഴാഴ്ച രാത്രി മുതലാണ് ഗ്രൂപ്പ് കാണാതായത്. ചിത്രത്തെ കുറിച്ച് ഗ്രൂപ്പിലെ അംഗങ്ങൾ അവരുടെ വ്യക്തിപരമായ അഭിപ്രായങ്ങൾ പങ്കുവെച്ചതിനാണ് അണിയറക്കാർ ഗ്രൂപ്പ് റിപ്പോർട്ട് ചെയ്ത് പൂട്ടിച്ചതെന്ന് അഡ്മിൻ മുഹമ്മദ് നിസാർ ഫേസ്ബുക്കിൽ കുറിച്ചു.
രണത്തെ കുറിച്ചുള്ള പോസ്റ്റുകൾ എല്ലാം താനെ നീക്കം ചെയ്യപ്പെടുകയും വൈകാതെ ഗ്രൂപ്പ് തന്നെ ഇല്ലാതാവുകയും ചെയ്തതായി നിസാർ പ്രതികരിച്ചു. സിനിമകളെ കുറിച്ച് മനഃപൂർവ്വമായി നല്ലതോ മോശമോ പറഞ്ഞുകൊണ്ടുള്ള പോസ്റ്റുകൾക്ക് ഗ്രൂപ്പിൽ ഇടം നൽകാറില്ല. വർഷങ്ങളോളം അധ്വാനിച്ചാണ് ഇത്രയും അംഗങ്ങളുള്ള ഗ്രൂപ്പ് ഉണ്ടാക്കിയെടുത്തതെന്നും ഇത്തരം സംഭവങ്ങൾ മലയാള സിനിമയുടെ ദയനീയ അവസ്ഥയാണ് കാണിച്ചു തരുന്നതെന്നും അഡ്മിൻ പറഞ്ഞു.
മുമ്പ് മഞ്ജു വാര്യർ നായികയായ ‘മോഹൻലാൽ എന്ന ചിത്രത്തിന് നെഗറ്റീവ് റിവ്യൂ പ്രസിദ്ധീകരിച്ച പോസ്റ്റുകളും മറ്റും ഫേസ്ബുക്കിൽ നിന്നും നീക്കം ചെയ്യപ്പെട്ടിരുന്നു. പൃഥ്വിരാജിെൻറ തന്നെ മൈ സ്റ്റോറി എന്ന ചിത്രത്തിനെ കുറിച്ചുള്ള പോസ്റ്റുകളും സമാന രീതിയിൽ റിപ്പോർട്ട് ചെയ്ത് നീക്കം ചെയ്യപ്പെട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.