സനൽകുമാർ ശശിധരൻ ചിത്രം 'ചോല' വെനീസ് അന്താരാഷ്ട്ര ചലച്ചിത്രോത്സവത്തിലേക്ക്. മേളയിൽ ഒറിസോണ്ടി മത്സരവിഭാഗത്തിൽ സിനിമ പ്രദർശിപ്പിക്കും. ആഗസ്റ്റ് 28 മുതൽ സെപ്റ്റംബർ 7 വരെ വെനീസ് ലഗൂണിലെ ലിഡ ദ്വീപിലാണ് ചലച്ചിത്രമേള അരങ്ങേറുക.
ചിത്രത്തിന്‍റെ റെഡ് കാര്‍പ്പറ്റ് വേള്‍ഡ് പ്രിമിയറിന് സനല്‍ കുമാര്‍ ശശിധരന്‍, ജോജു ജോര്‍ജ്ജ്, നിമിഷ സജയന്, സിജോ വടക്കന്‍ ,ഷാജി മാത്യു എന്നിവര്‍ പങ്കെടുക്കും. ചോലയിലെ പ്രകടനം കൂടി വിലയിരുത്തിയാണ് നിമിഷ സജയന് മികച്ച നടിക്കും ജോജു ജോർജിന് മികച്ച സ്വഭാവനടനുമുള്ള സംസ്ഥാന ചലചിത്ര പുരസ്കാരം നേടിയത്.
അടൂർ ഗോപാലകൃഷ്ണന്‍റെ മതിലുകൾ, നിഴൽ കുത്ത് എന്നിവയാണ് ഇതിന് മുൻ‌പ് വെനീസ് ചലചിത്രമേളയിൽ പ്രദർശിപ്പിക്കപ്പെട്ട മലയാള സിനിമകൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.