മഹേഷിന്റെ പ്രതികാരം: അത്യുഗ്രൻ സിനിമ -ബി. ഉണ്ണികൃഷ്ണൻ

ഫഹദ് ഫാസിൽ ചിത്രം മഹേഷിന്‍റെ പ്രതികാരം അത്യുഗ്രൻ സിനിമയാണെന്ന് സംവിധായകൻ ബി. ഉണ്ണികൃഷ്ണൻ. ഈ അടുത്തകാലത്തൊന്നും ഇത്ര ഉള്ളുതുറന്ന് ചിരിച്ച സിനിമ ഉണ്ടായിട്ടില്ലെന്നും ബി. ഉണ്ണികൃഷ്ണൻ ഫേസ്ബുക്കിൽ കുറിച്ചു. ആദ്യസിനിമയിലൂടെ ദിലീഷ്‌ ഞെട്ടിച്ചു.  നാലോ അഞ്ചോ മോശം ഇന്നിങ്ങ്സുകൾക്ക്‌ ശേഷം, യാതൊരു അന്ധാളിപ്പുമില്ലാതെ ക്രീസിൽ വന്ന്, വശ്യവിമോഹകമായി കളിച്ച്‌ സെഞ്ച്വറി അടിക്കുന്ന ബ്രയൻ ലാറയെ പോലെയാണ് ഫഹദെന്നും അദ്ദേഹം കുറിച്ചു.