പത്തേമാരിയിലൂടെ മമ്മൂട്ടി കണ്ണ് നനയിച്ചു -സത്യന്‍ അന്തിക്കാട്

പത്തേമാരിയിലൂടെ മമ്മൂട്ടി കണ്ണ് നനയിച്ചുവെന്ന് സംവിധായകന്‍ സത്യന്‍ അന്തിക്കാട്. പത്തേമാരി കണ്ട സത്യന്‍ അന്തിക്കാട് ഫേസ്ബുക്കിലാണ് തന്‍െറ അഭിപ്രായം രേഖപ്പെടുത്തിയത്. കാറും കോളും കടല്‍ക്ഷോഭങ്ങളുമൊക്കെ മറികടന്ന് മലയാള സിനിമയുടെ പത്തേമാരി മുന്നോട്ടു കുതിക്കുകയാണ്. നല്ല സിനിമകള്‍ ഇവിടെ സ്വീകരിക്കപ്പെടുക തന്നെ ചെയ്യുമെന്നും ഫേസ്ബുക്ക് പോസ്റ്റില്‍ പറയുന്നു.

മമ്മൂട്ടിയുടെ അഭിനയവും അദ്ദേഹം എടുത്ത് പറഞ്ഞു. മമ്മൂട്ടി വീണ്ടും കണ്ണു നനയിക്കുന്നു. അഭിനയിക്കുക എന്ന തോന്നലുണ്ടാക്കാതെ സങ്കടത്തിന്‍്റെ ഒരു വലിയ കടല്‍ ഹൃദയത്തില്‍ നിറക്കുന്നു. അതൊരു മാജിക്കാണ്. അഭിനയ വിദ്യാര്‍ത്ഥികള്‍ക്ക് കണ്ടു പഠിക്കാന്‍ ഒരു പാഠമാണതെന്നും കുറിപ്പിലുണ്ട്.