ന്യൂഡൽഹി: പ്രധാനമന്ത്രി നരേന്ദ്രമോദിയുടെ ജീവചരിത്രം ചിത്രീകരിച്ച ’പി.എം നരേന്ദ്രമോദി’ എന്ന സിനിമ തെരഞ്ഞെ ടുപ്പ് കഴിയുന്നതുവരെ റീലീസ് ചെയ്യരുതെന്ന് സുപ്രീംകോടതി. സിനിമയുടെ റിലീസ് വിലക്കിയ തെരഞ്ഞെടുപ്പ് കമീഷെൻറ ഉത്തരവിൽ ഇടപെടാനാകില്ലെന്നും കോടതി വ്യക്തമാക്കി.
തെരഞ്ഞെടുപ്പിന് മുന്നോടിയായി സിനിമ റിലീസ് ചെയ്യുന്നത് വിലക്കിയ കമീഷൻ നടപടി റദ്ദാക്കണമെന്നാവശ്യപ്പെട്ട് സിനിമയുടെ നിർമാതാക്കൾ നൽകിയ ഹരജിയിലാണ് സുപ്രീംകോടതി ഉത്തരവ്. ചീഫ് ജസ്റ്റിസ് അധ്യക്ഷനായ ബെഞ്ചാണ് നിർമാതാക്കളുടെ ഹരജി പരിഗണിച്ചത്.
ചിത്രം തെരഞ്ഞെടുപ്പ് കമീഷൻ കാണണമെന്നും സിനിമയുടെ റിലീസ് തടയണോ വേണ്ടയോ എന്ന വിഷയത്തിൽ തീരുമാനം സിനിമ കണ്ടതിന് ശേഷം മതിയെന്നും കോടതി നേരത്തെ നിർദേശിച്ചിരുന്നു. എന്നാൽ ചിത്രം റിലീസ് ചെയ്യുന്നത് തെരഞ്ഞെടുപ്പ് പെരുമാറ്റച്ചട്ട ലംഘനമാണെന്ന വാദത്തിൽ തെരഞ്ഞെടുപ്പ് കമീഷൻ ഉറച്ചു നിന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.