ചർമാടി ചുരം റോഡിൽ കാറ്റിൽ മരം വീണപ്പോൾ
ബംഗളൂരു: ചിക്കമഗളൂരു മുദിഗരെയിൽ ചർമാടി ചുരത്തിൽ ഓടിക്കൊണ്ടിരുന്ന കാറിന് മുകളിലേക്ക് മരം വീണു. കഴിഞ്ഞദിവസം ശക്തമായ മഴയിലും കാറ്റിലും അന്നപ്പ സ്വാമി ചുരം ഭാഗത്താണ് സംഭവം. ധർമസ്ഥലയിൽനിന്ന് ചിക്കമഗളൂരുവിലക്ക് വരുകയായിരുന്ന വിനോദസഞ്ചാരികൾ സഞ്ചരിച്ച കാറാണ് അപകടത്തിൽപെട്ടത്.
എന്നാൽ, കാറിലുള്ളവർ കാര്യമായ പരിക്കേൽക്കാതെ രക്ഷപ്പെട്ടു. സമീപ ഗ്രാമമായ കൊട്ടിഗെഹാരയിൽനിന്നുള്ള നാട്ടുകാരും ബനാകൽ പൊലീസും സംഭവസ്ഥലത്തെത്തി മരം മുറിച്ചുമാറ്റി ഗതാഗത തടസ്സം നീക്കി. മഴക്കാലത്ത് മേഖലയിലൂടെ യാത്ര ചെയ്യുന്നവർ ജാഗ്രത പുലർത്തണമെന്ന് അധികൃതർ മുന്നറിയിപ്പ് നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.