കു​രു​ന്നു​ക​ളു​ടെ തൊ​ണ്ട ന​ന​ക്കാ​ൻ കി​ണ​ർ കു​ഴി​ച്ച് വ​ീട്ടമ്മ; ത​ട​ഞ്ഞ് അ​ധി​കൃ​ത​ർ

മം​ഗ​ളൂ​രു: ഉ​ത്ത​ര ക​ന്ന​ട ജി​ല്ല​യി​ലെ സി​ർ​സി​ക്ക​ടു​ത്ത് അം​ഗ​ൻ​വാ​ടി കു​ട്ടി​ക​ൾ​ക്ക് കു​ടി​വെ​ള്ളം ല​ഭ്യ​മാ​ക്കാ​ൻ കി​ണ​ർ കു​ഴി​ക്കാ​നി​റ​ങ്ങി​യ 55കാ​രി ഗൗ​രി നാ​യ​കി​നെ ഉ​ദ്യോ​ഗ​സ്ഥ​ർ വി​ല​ക്കി. അ​ട​ക്ക വി​റ്റ് ജീ​വി​ക്കു​ന്ന ഗൗ​രി ക​ഴി​ഞ്ഞ മാ​സം 30ന് ​ആ​രം​ഭി​ച്ച കി​ണ​ർ നി​ർ​മാ​ണം 12 അ​ടി താ​ഴ്ച​യി​ൽ എ​ത്തി​യ​പ്പോ​ൾ വ​നി​ത ശി​ശു​വി​ക​സ​ന ഉ​ദ്യോ​ഗ​സ്ഥ​രെ​ത്തി ത​ട​യു​ക​യാ​യി​രു​ന്നു. സു​ര​ക്ഷാ ആ​ശ​ങ്ക സൂ​ചി​പ്പി​ച്ചാ​ണി​ത്.

‘എ​ന്റെ വീ​ട്ടു​വ​ള​പ്പി​ലെ ക​വു​ങ്ങി​ൻ തോ​ട്ടം ന​ന​ക്കാ​ൻ 70 അ​ടി താ​ഴ്ച​യു​ള്ള കി​ണ​ർ ഞാ​ൻ കു​ഴി​ച്ചി​ട്ടു​ണ്ട്. ഇ​വി​ടെ അം​ഗ​ൻ​വാ​ടി വ​ള​പ്പി​ൽ 60 അ​ടി ആ​ഴം മ​തി​യാ​വും വെ​ള്ളം കാ​ണാ​ൻ. കു​ഞ്ഞു​മ​ക്ക​ൾ വെ​ള്ള​ത്തി​ന് പ്ര​യാ​സ​പ്പെ​ടു​ന്ന​തും അ​വ​രു​ടെ ആ​യ​മാ​ർ അ​ര​കി​ലോ​മീ​റ്റ​ർ അ​ക​ലെ​നി​ന്ന് വെ​ള്ളം ചു​മ​ന്ന് കൊ​ണ്ടു​വ​രു​ന്ന​തും ക​ണ്ടാ​ണ് ഞാ​ൻ ഈ ​പ​ണി​ക്ക് ഇ​റ​ങ്ങി​യ​ത്.

എ​ന്നാ​ൽ, ഉ​ദ്യോ​ഗ​സ്ഥ​ർ ച​ട്ടം ന​ട​പ്പാ​ക്കാ​നാ​ണ് തു​നി​ഞ്ഞ​ത്. വാ​ക്കാ​ലേ വി​ല​ക്കി​യു​ള്ളൂ. നോ​ട്ടീ​സ് ത​ന്നി​ല്ല. നാ​ട്ടു​കാ​ർ സ​ഹ​ക​രി​ച്ചാ​ൽ യ​ജ്ഞം ല​ക്ഷ്യ​ത്തി​ലെ​ത്തി​ക്കും’-​ഗൗ​രി പ​റ​ഞ്ഞു. ജ​ന​ങ്ങ​ൾ ഗൗ​രി​ക്ക് സ​ഹ​ക​ര​ണ​വും പി​ന്തു​ണ​യും ന​ൽ​കു​മെ​ന്ന് സി​സ്റി ജീ​വ​ജ​ല ക​ർ​മ​സ​മി​തി പ്ര​സി​ഡ​ന്റ് ശ്രീ​നി​വാ​സ് ഹെ​ബ്ബാ​ർ സ്ഥ​ലം സ​ന്ദ​ർ​ശി​ച്ച​ശേ​ഷം പ​റ​ഞ്ഞു.

അം​ഗ​ൻ​വാ​ടി​ക്ക് ചു​റ്റു​മ​തി​ലും കി​ണ​ർ പൂ​ർ​ത്തി​യാ​വു​ന്ന മു​റ​ക്ക് ആ​ൾ​മ​റ​യും പ​മ്പും സ്ഥാ​പി​ക്കാ​ൻ സ​മി​തി ഫ​ണ്ട് ക​ണ്ടെ​ത്തുമെന്നും അറിയിച്ചു.