ബംഗളൂരു: കേരള സമാജത്തിന്റെ ആഭിമുഖ്യത്തില് കര്ണാടക നിവാസികൾക്കായി യുവജനോത്സവം സംഘടിക്കുന്നു. ആഗസ്റ്റ് 10,11 തീയതികളില് ഇന്ദിരാനഗര് 5ത് മെയിന്, 9ത് ക്രോസിലുള്ള കൈരളീ നികേതന് എജുക്കേഷന് ട്രസ്റ്റ് കാമ്പസില് മൂന്ന് വേദികളിലായി നടക്കും.
പദ്യം ചൊല്ലല്, ലളിതഗാനം, ശാസ്ത്രീയ സംഗീതം, നാടന്പാട്ട്, മാപ്പിളപ്പാട്ട്, പ്രസംഗം (മലയാളം), നാടോടി നൃത്തം, ഭരതനാട്യം, മോഹിനിയാട്ടം, കുച്ചുപ്പുടി, ഓട്ടന്തുള്ളല്, മിമിക്രി, മോണോ ആക്റ്റ്, സംഘനൃത്തം, കൈകൊട്ടിക്കളി (തിരുവാതിര), ഒപ്പന, മാര്ഗംകളി, ദഫ് മുട്ട് എന്നീ 18 ഇനങ്ങളില് മത്സരം നടക്കും. 5 മുതല് 22 വയസ്സുവരെ സബ് ജൂനിയര്, ജൂനിയര്, സീനിയര് എന്നീ വിഭാഗങ്ങളിലായി മത്സരം നടക്കും. നൃത്ത ഇനങ്ങളില് ആണ്കുട്ടികള്ക്കും പെൺകുട്ടികള്ക്കും പ്രത്യേകം മത്സരമുണ്ടാകും.
കര്ണാടകയുടെ എല്ലാ ഭാഗത്തുമുള്ള കലാകാരന്മാര്ക്ക് മത്സരങ്ങളില് പങ്കെടുക്കാം. വ്യക്തിഗത മത്സരങ്ങളില് ഒരാള്ക്ക് പരാമാവധി അഞ്ച് ഇനങ്ങളില് പങ്കെടുക്കാം. വ്യക്തിഗത മത്സരങ്ങളില് ലഭിക്കുന്ന പോയന്റുകളുടെ അടിസ്ഥാനത്തില് കലാതിലകത്തെയും കലാപ്രതിഭയെയും തിരഞ്ഞെടുക്കും.
മൂന്നു വിഭാഗത്തിലും കലാതിലകവും കലാപ്രതിഭയും ഉണ്ടാകുമെന്ന് ജനറല് സെക്രട്ടറി റജി കുമാര്, കള്ച്ചറല് സെക്രട്ടറി വി. മുരളീധരൻ എന്നിവര് അറിയിച്ചു. മത്സരത്തില് പങ്കെടുക്കാന് ആഗ്രഹിക്കുന്നവര് ആഗസ്ത് മൂന്നിന് മുമ്പായി പേര് രജിസ്റ്റര് ചെയ്യണം +91 87926 87607, +91 88676 80135, +91 90363 39194 എന്നിവയാണ് നമ്പർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.