രാ​ജ്യ​ത്ത് വി​ല​ക്ക​യ​റ്റ​ത്തി​ന് കാ​ര​ണ​ക്കാ​ര​ൻ മോ​ദിയെന്ന് സി​ദ്ധ​രാ​മ​യ്യ

ബം​ഗ​ളൂ​രു: ​രാ​ജ്യ​ത്ത് വി​ല​ക്ക​യ​റ്റ​ത്തി​ന് കാ​ര​ണം പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യാ​ണെ​ന്ന് മു​ഖ്യ​മ​ന്ത്രി സി​ദ്ധ​രാ​മ​യ്യ കു​റ്റ​പ്പെ​ടു​ത്തി. കേ​ന്ദ്ര​സ​ർ​ക്കാ​റി​ന്റെ വി​ല​ക്ക​യ​റ്റ ന​യ​ങ്ങ​ൾ​ക്കെ​തി​രെ ബം​ഗ​ളൂ​രു ഫ്രീ​ഡം പാ​ർ​ക്കി​ൽ കോ​ൺ​ഗ്ര​സ് സം​ഘ​ടി​പ്പി​ച്ച പ്ര​തി​ഷേ​ധ റാ​ലി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. സം​സ്ഥാ​ന സ​ർ​ക്കാ​റി​നെ​തി​രെ ബി.​ജെ.​പി ക​ർ​ണാ​ട​ക​യി​ൽ ജ​നാ​​ക്രോ​ശ യാ​ത്ര​യു​മാ​യി പ്ര​തി​ഷേ​ധ പ​ര്യ​ട​നം തു​ട​രു​ന്ന​തി​നി​ടെ​യാ​ണ് മ​റു​പ​ടി​യാ​യി കേ​ന്ദ്ര​ത്തി​നെ​തി​രെ കോ​ൺ​ഗ്ര​സി​ന്റെ പ്ര​തി​ഷേ​ധം.

അ​ച്ഛാ​ദി​ൻ (ന​ല്ല ദി​ന​ങ്ങ​ൾ) വ​രു​മെ​ന്ന് പ​റ​ഞ്ഞാ​ണ് 2014ൽ ​മോ​ദി അ​ധി​കാ​ര​ത്തി​ൽ വ​രു​ന്ന​ത്. ഇ​പ്പോ​ഴു​ള്ള വി​ല​ക്ക​യ​റ്റം മോ​ദി​യു​ടെ അ​ച്ഛാ​ദി​ൻ വാ​ഗ്ദാ​ന​മാ​ണോ എ​ന്ന് സി​ദ്ധ​രാ​മ​യ്യ ചോ​ദി​ച്ചു. പെ​ട്രോ​ളി​ന്റെ​യും ഡീ​സ​ലി​ന്റെ​യും പാ​ച​ക​വാ​ത​ക​ത്തി​ന്റെ​യും വി​ല വ​ർ​ധി​പ്പി​ച്ചു. രാ​ജ്യ​ത്തെ വി​ല​ക്ക​യ​റ്റ​ത്തി​ന് ഉ​ത്ത​ര​വാ​ദി ന​രേ​ന്ദ്ര​മോ​ദി​യാ​ണ്. അ​ദ്ദേ​ഹം പ​റ​ഞ്ഞ ‘അ​ച്ഛാ​ദി​ൻ’ വ​ന്നോ​യെ​ന്ന് ജ​നം വി​ല​യി​രു​ത്ത​ണ​മെ​ന്നും സി​ദ്ധ​രാ​മ​യ്യ പ​റ​ഞ്ഞു. 2014ൽ ​സ്വ​ർ​ണ​ത്തി​ന് 10 ഗ്രാ​മി​ന് 28,000 രൂ​പ​യാ​യി​രു​ന്നു വി​ല. ഇ​പ്പോ​ഴ​ത് 95,000 രൂ​പ​യാ​ണ്. യു.​പി.​എ സ​ർ​ക്കാ​റി​ന്റെ കാ​ല​ത്ത് ഒ​രു കി​ലോ വെ​ള്ളി​ക്ക് 43,000 രൂ​പ​യാ​യി​രു​ന്നു. ഇ​പ്പോ​ൾ 94,000 രൂ​പ​യാ​യി. 2014ൽ ​ഒ​രു ചാ​ക്ക് സി​മ​ന്റി​ന് 268 രൂ​പ​യാ​യി​രു​ന്നു. ഇ​പ്പോ​ൾ 410 ആ​യി. ഒ​രു ട​ൺ സ്റ്റീ​ലി​ന് 19,000 രൂ​പ​യു​ണ്ടാ​യി​രു​ന്ന​ത് ഇ​പ്പോ​ൾ 73,000 രൂ​പ​യാ​യി.

ഒ​രു യൂ​നി​റ്റി​ന് 60 രൂ​പ​യാ​യി​രു​ന്ന പി.​വി.​സി പൈ​പ്പി​ന് ഇ​പ്പോ​ൾ ഒ​രു യൂ​നി​റ്റി​ന് 150 രൂ​പ​യാ​യി. 2014ന് ​മു​മ്പ് യു.​എ​സ് ഡോ​ള​റി​ന് 59 രൂ​പ​യാ​യി​രു​ന്നു വി​ല. ഇ​പ്പോ​ൾ 87 ആ​യി. ഒ​രു യു.​എ​സ് ഡോ​ള​റി​ന്റെ മൂ​ല്യം ഒ​രു രൂ​പ​യു​ടേ​തി​ന് തു​ല്യ​മാ​ക്കു​മെ​ന്ന വാ​ഗ്ദാ​ന​വു​മാ​യാ​ണ് മോ​ദി വ​ന്ന​ത്. രാ​ജ്യ​​ത്തെ പാ​വ​പ്പെ​ട്ട​വ​ന്റെ ര​ക്തം ഊ​റ്റി​ക്കു​ടി​ക്കു​ക​യാ​ണ് മോ​ദി ചെ​യ്യു​ന്ന​തെ​ന്നും സി​ദ്ധ​രാ​മ​യ്യ വി​മ​ർ​ശി​ച്ചു.

വി​ല​ക്ക​യ​റ്റ​ത്തി​ന് കാ​ര​ണം ക​ർ​ണാ​ട​ക സ​ർ​ക്കാ​റാ​ണെ​ന്ന മ​ട്ടി​ലാ​ണ് ബി.​ജെ.​പി സം​സ്ഥാ​ന​ത്ത് ജ​നാ​ക്രോ​ശ യാ​ത്ര ന​ട​ത്തു​ന്ന​ത്. കേ​ന്ദ്ര​ത്തി​ൽ ഓ​രോ ത​വ​ണ ബി.​ജെ.​പി അ​ധി​കാ​ര​ത്തി​ൽ വ​ന്ന​പ്പോ​ഴും വി​ല​ക്ക​യ​റ്റ​ത്താ​ൽ ജ​ന​ങ്ങ​ളെ പൊ​റു​തി​മു​ട്ടി​ക്കു​ക​യാ​യി​രു​ന്നു. ബി.​ജെ.​പി​ക്കോ എ​ൻ.​ഡി.​എ ഘ​ട​ക ക​ക്ഷി​യാ​യ ജെ.​ഡി-​എ​സി​​നോ വി​ല​ക്ക​യ​റ്റ​ത്തി​നെ​തി​രെ പ്ര​തി​ഷേ​ധി​ക്കാ​ൻ ധാ​ർ​മി​കാ​വ​കാ​ശ​മി​ല്ലെ​ന്ന് സി​ദ്ധ​രാ​മ​യ്യ പ​റ​ഞ്ഞു. ക​ർ​ണാ​ട​ക​യു​ടെ ചു​മ​ത​ല​യു​ള്ള എ.​ഐ.​സി.​സി ജ​ന​റ​ൽ സെ​ക്ര​ട്ട​റി ര​ൺ​ദീ​പ് സി​ങ് സു​ർ​ജെ​വാ​ല, ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ, മ​ന്ത്രി​മാ​ർ, എം.​എ​ൽ.​എ​മാ​ർ, എം.​എ​ൽ.​സി​മാ​ർ തു​ട​ങ്ങി​യ​വ​ർ പ്ര​തി​ഷേ​ധ​ത്തി​ൽ പ​​ങ്കെ​ടു​ത്തു.