ദ​ക്ഷി​ണേ​ന്ത്യ​യി​ല്‍ ആ​ന​ക​ളു​ടെ ക​ണ​ക്കെ​ടു​പ്പ് ഇ​ന്ന് സ​മാ​പി​ക്കും

ബം​ഗ​ളൂ​രു: ത​മി​ഴ്നാ​ട്, കേ​ര​ളം, ആ​ന്ധ്രാ പ്ര​ദേ​ശ് സം​സ്ഥാ​ന​ങ്ങ​ളു​ടെ സ​ഹ​ക​ര​ണ​ത്തോ​ടെ ക​ർ​ണാ​ട​ക ന​ട​ത്തു​ന്ന മൂ​ന്നു ദി​വ​സ​ത്തെ ആ​ന​ക​ളു​ടെ ക​ണ​ക്കെ​ടു​പ്പ് വെ​ള്ളി​യാ​ഴ്ച സ​മാ​പി​ക്കും. വ​നം -പ​രി​സ്ഥി​തി-​കാ​ലാ​വ​സ്ഥാ വ്യ​തി​യാ​ന മ​ന്ത്രാ​ല​യം ആ​ന​ക​ളു​ടെ ക​ണ​ക്കെ​ടു​പ്പ് ന​ട​ത്താ​ത്ത​തി​നെ തു​ട​ര്‍ന്ന് ക​ര്‍ണാ​ട​ക വ​നം വ​കു​പ്പ് ന​ട​ത്താ​ന്‍ തീ​രു​മാ​നി​ക്കു​ക​യാ​യി​രു​ന്നെ​ന്ന് പ്രി​ന്‍സി​പ്പ​ൽ ഓ​ഫ് ചീ​ഫ് ക​ണ്‍സ​ര്‍വേ​റ്റ​ര്‍ ഓ​ഫ് ഫോ​റ​സ്റ്റ് ര​ജീ​ഷ് ര​ഞ്ജ​ന്‍ പ​റ​ഞ്ഞു.

ആ​രോ​ഗ്യ​മു​ള്ള ആ​ന​ക​ളു​ടെ​യും ക​ടു​വ​ക​ളു​ടെ​യും നാ​ടാ​ണ് ക​ർ​ണാ​ട​ക. മു​ന്‍ വ​ര്‍ഷ​ത്തെ ക​ണ​ക്കു​ക​ള്‍ പ്ര​കാ​രം നി​ല​വി​ല്‍ 6000 ആ​ന​ക​ള്‍ സം​സ്ഥാ​ന​ത്ത് ഉ​ണ്ട്. ഇ​വ​യു​ടെ ജ​ന​സം​ഖ്യ​യി​ൽ ഗ​ണ്യ​മാ​യ വ​ർ​ധ​ന ഉ​ണ്ടാ​യ​താ​യി പ്ര​തീ​ക്ഷി​ക്കു​ന്നു​ണ്ട്. എ​ല്ലാ സം​സ്ഥാ​ന​ങ്ങ​ളി​ലെ​യും വ​ന പാ​ല​ക​ര്‍ക്ക് പ​രി​ശീ​ല​നം ന​ല്‍കി​യെ​ന്ന് വ​നം അ​ധി​കൃ​ത​ര്‍ പ​റ​ഞ്ഞു.

ദ​ക്ഷി​ണേ​ന്ത്യ​യി​ലെ കാ​ടു​ക​ളി​ലാ​ണ് കൂ​ടു​ത​ൽ ആ​ന​ക​ളു​ള്ള​തെ​ന്നാ​ണ് ക​ണ​ക്ക്. 2017ൽ ​ന​ട​ന്ന അ​വ​സാ​ന​ത്തെ ക​ണ​ക്കെ​ടു​പ്പു പ്ര​കാ​രം, രാ​ജ്യ​ത്ത് 27,312 ആ​ന​ക​ളാ​ണു​ള്ള​ത്. ഇ​തി​ൽ 6049 എ​ണ്ണ​മു​ള്ള ക​ർ​ണാ​ട​ക​യാ​ണ് മു​ന്നി​ൽ. 8976 ച​തു​ര​ശ്ര കി​ലോ​മീ​റ്റ​ർ കാ​ടു​ക​ളി​ലാ​ണ് ഇ​വ ക​ഴി​യു​ന്ന​ത്. കേ​ര​ള​ത്തി​ൽ 3054ഉം ​ത​മി​ഴ്നാ​ട്ടി​ൽ 2761ഉം ​ആ​ന​ക​ളെ ക​ണ്ടെ​ത്തി​യി​രു​ന്നു.

ക​ർ​ണാ​ട​ക​യി​ലെ ബ​ന്ദി​പ്പു​ർ കാ​ടു​ക​ളി​ൽ 1170ഉം ​നാ​ഗ​ർ​ഹോ​ളെ​യി​ൽ ആ​യി​ര​ത്തോ​ള​വും ആ​ന​ക​ളു​മു​ണ്ട്. ക​ർ​ണാ​ട​ക​യി​ലെ 33 വ​നം ഡി​വി​ഷ​നു​ക​ളി​ൽ ആ​ന സാ​ന്നി​ധ്യ​മു​ണ്ട്. നാ​ഗ​ർ​ഹോ​ളെ​യി​ൽ ആ​ന​ക​ളു​ടെ സാ​ന്ദ്ര​ത ഒ​രു കി​ലോ​മീ​റ്റ​റി​ൽ 1.54ഉം ​ബ​ന്ദി​പ്പു​രി​ൽ 1.13ഉം ​ഭ​ദ്ര ക​ടു​വ സ​​ങ്കേ​ത​ത്തി​ൽ 1.12ഉം ​ആ​ണ്. ആ​ന​ക​ള്‍ അ​ക്ര​മാ​സ​ക്ത​രാ​യ നി​ര​വ​ധി സം​ഭ​വ​ങ്ങ​ള്‍ റി​പ്പോ​ര്‍ട്ട് ചെ​യ്ത​തി​നാ​ല്‍ ഇ​ത്ത​വ​ണ​ത്തെ ക​ണ​ക്കെ​ടു​പ്പി​ല്‍ വി​ദ്യാ​ര്‍ഥി​ക​ളെ​യും സ​ന്ന​ദ്ധ വ​ള​ന്റി​യ​ർ​മാ​രെ​യും പ​ങ്കെ​ടു​പ്പി​ച്ചി​ട്ടി​ല്ല. 300 ജീ​വ​ന​ക്കാ​രെ​യാ​ണ് നി​യോ​ഗി​ച്ച​ത്.

ദു​ബാ​രെ ആ​ന ക്യാ​മ്പ്, ന​ഗ​ര്‍ഹോ​ളെ ടൈ​ഗ​ര്‍ റി​സ​ര്‍വ് എ​ന്നി​വി​ട​ങ്ങ​ളി​ല്‍ ആ​ന സ​വാ​രി തു​ട​ങ്ങാ​ന്‍ തീ​രു​മാ​നി​ച്ചി​രു​ന്നെ​ങ്കി​ലും പ​രി​സ്ഥി​തി പ്ര​വ​ര്‍ത്ത​ക​രു​ടെ​യും നാ​ട്ടു​കാ​രു​ടെ​യും എ​തി​ര്‍പ്പി​നെ തു​ട​ര്‍ന്ന് നി​ര്‍ത്തി​വെ​ക്കു​ക​യാ​യി​രു​ന്നു. ആ​ന​സ​വാ​രി ന​ട​ത്ത​ണോ, വേ​ണ്ട​യോ എ​ന്ന കാ​ര്യ​ത്തി​ല്‍ തീ​രു​മാ​ന​മാ​യി​ല്ല എ​ന്നാ​ണ് വ​നം വ​കു​പ്പി​ന്റെ വി​ശ​ദീ​ക​ര​ണം.