ബംഗളൂരു: കെലേന അഗ്രഹാരയിൽ നിയന്ത്രണംവിട്ട കാര് ബൈക്കുകളിലേക്ക് ഇടിച്ചുകയറി നാലുപേര്ക്ക് പരിക്ക്. ഞായറാഴ്ച വൈകീട്ടാണ് അപകടം. കാൽനടയാത്രക്കാരി കെലേന അഗ്രഹാര സ്വദേശിനി ജസ്മിത, ബൈക്ക് യാത്രക്കാരായ സൂര്യദീപ് സിങ്, ഭാര്യ പുഷ്പാംഗി, കിരണ്കുമാര് എന്നിവര്ക്കാണ് പരിക്കേറ്റത്.
ഹുളിമാവ് ഭാഗത്തേക്ക് പോവുകയായിരുന്ന കാറിന്റെ നിയന്ത്രണം നഷ്ടപ്പെട്ട് മുന്നില് പോവുകയായിരുന്ന ബൈക്കുകളില് ഇടിക്കുകയായിരുന്നു. ഇതിനിടെ ഒരു ബൈക്ക് റോഡരികിലൂടെ നടന്നുപോവുകയായിരുന്ന ജസ്മിതയെ ഇടിച്ചിട്ടു. ഇവരുടെ പരിക്ക് ഗുരുതരമാണ്.
കാറോടിച്ചിരുന്ന അഭിഷേക് അഗര്വാള് എന്നയാളെ പൊലീസ് കസ്റ്റഡിയിലെടുത്തു. ലഹരിവസ്തുക്കള് ഉപയോഗിച്ചിരുന്നതായി സംശയമുയര്ന്നതിനെത്തുടര്ന്ന് ഇയാളുടെ രക്തസാംപിളുകള് പരിശോധനക്ക് അയച്ചതായി ഹുളിമാവ് ട്രാഫിക് പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.