തിരുനെല്ലി: മുഖ്യമന്ത്രി ഉമ്മന് ചാണ്ടിക്ക് ഐക്യദാര്ഢ്യം പ്രഖ്യാപിച്ച് കോണ്ഗ്രസ്-ലീഗ് പ്രവര്ത്തകര് തോല്പെട്ടിയില് പ്രകടനം നടത്തി. ബാര് മുതലാളിമാരെയും സോളാര് സരിതയെയും കൂട്ടുപിടിച്ച് യു.ഡി.എഫ് സര്ക്കാറിനെ അട്ടിമറിക്കാന് സി.പി.എം ഗൂഢാലോചന നടത്തുകയാണെന്നാരോപിച്ചായിരുന്നു ശനിയാഴ്ച രാത്രി പ്രകടനം നടത്തിയത്. സരിതയുടെയും പിണറായിയുടെയും ജയരാജന്െറയും കോലവും പ്രവര്ത്തകര് കത്തിച്ചു. ശശി പാറക്കണ്ടി, റഫീഖ് അലി എന്നിവരുടെ നേതൃത്വത്തിലായിരുന്നു പ്രകടനം. ഇതിനിടെ, ഡി.വൈ.എഫ്.ഐ പ്രവര്ത്തകരുടെ നേതൃത്വത്തിലും പ്രകടനം നടന്നു. മുഖ്യമന്ത്രിയുടെയും കെ.എം. മാണിയുടെയും സരിതയുടെയും കോലങ്ങളും കത്തിച്ചു. അഴിമതിയില് മുങ്ങുന്ന ഉമ്മന് ചാണ്ടി സര്ക്കാറിനെതിരെയും മന്ത്രി കെ. ബാബുവിനെതിരെയുമാണ് ഡി.വൈ.എഫ്.ഐ പ്രവര്ത്തകര് പ്രകടനം നടത്തിയത്. ഇരുകൂട്ടരും സംഘര്ഷാവസ്ഥയിലത്തെിയപ്പോള് തിരുനെല്ലി പൊലീസത്തെിയാണ് പിരിച്ചുവിട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.