മേപ്പാടി: ബൈക്ക് ഓട്ടോ സ്റ്റാന്ഡില് നിര്ത്തിയിട്ടതിനെച്ചൊല്ലി ഉണ്ടായ വാക്കേറ്റം സംഘര്ഷത്തില് കലാശിച്ചു. ഇതിനിടയില് ടൗണിലെ വ്യാപാരിയെയും പ്രശ്നത്തിലിടപെട്ട ഗ്രാമപഞ്ചായത്ത് പ്രസിഡന്റ് കെ.കെ. സഹദിനെയും കൈയേറ്റം ചെയ്തെന്ന പരാതിയത്തെുടര്ന്ന് ഓട്ടോ ഡ്രൈവര്മാരായ സിറാജ്, അഖില്, ദിനേശന് എന്നിവരെ പൊലീസ് കസ്റ്റഡിയിലെടുത്തു. കച്ചവടക്കാരനെ മര്ദിച്ചതില് പ്രതിഷേധിച്ച് കടകളടച്ചിട്ട് ടൗണില് പ്രകടനം നടത്തി. വെള്ളിയാഴ്ച രാവിലെ പത്തു മണിയോടെയായിരുന്നു സംഭവം. കല്പറ്റ സര്ക്കിള് ഇന്സ്പെക്ടര് ജേക്കബ് മേപ്പാടിയിലത്തെി ബന്ധപ്പെട്ട കക്ഷികളുമായി ചര്ച്ച നടത്തി. ഇതത്തെുടര്ന്ന് കഴിഞ്ഞ മാസം 21ന് പാര്ക്കിങ് സംബന്ധിച്ച് ട്രാഫിക് അഡൈ്വസറി കമ്മിറ്റി എടുത്ത തീരുമാനം നടപ്പാക്കാന് ധാരണയായി. പ്രശ്നം ഒത്തുതീര്പ്പിലത്തെിയതിനത്തെുടര്ന്ന് പരാതികള് പിന്വലിക്കുകയും പൊലീസ് കസ്റ്റഡിയിലെടുത്തവരെ വിട്ടയക്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.