മാനന്തവാടി: ബിവറേജ് ഒൗട്ട്ലെറ്റില് മദ്യം വാങ്ങുന്നവരുടെ നിരയില് കയറി കൃത്രിമ തിരക്കുണ്ടാക്കി മൊബൈല് മോഷണം നടത്തിയ സംഘത്തെ മാനന്തവാടി എസ്.ഐ വിനോദ് വലിയാറ്റൂരും സംഘവും അറസ്റ്റ് ചെയ്തു. കോഴിക്കോട് കരിവണ്ണൂര് സ്വദേശികളായ താന്നിക്കണ്ടി ബാബുരാജ് (31), സഹോദരങ്ങളായ ചെറുകാട്ടില് അനില് (35), സാബു (44) എന്നിവരെയാണ് അറസ്റ്റ് ചെയ്തത്. എള്ളുമന്ദം സ്വദേശിയായ പ്ളാക്കാട്ട് സിജുവിന്െറ മൊബൈല് ബിവറേജ് പരിസരത്തുവെന്ന് മോഷണം പോകുകയായിരുന്നു. അപ്രതീക്ഷിതമായി ആരോ തിരക്കുണ്ടാക്കിയതിനെ തുടര്ന്നാണ് തന്െറ 20000 രൂപയോളം വിലവരുന്ന മൊബൈല് മോഷണം പോയതെന്ന് ഇയാള് മാനന്തവാടി പൊലീസില് പരാതി നല്കി. മാനന്തവാടിയിലെയും പരിസരപ്രദേശങ്ങളിലെയും മൊബൈല് കടകളില് മോഷണം പോയ മൊബൈലിന്െറ ഐ.എം.ഇ.ഐ നമ്പര് പൊലീസ് നല്കി. ആരെങ്കിലും പ്രസ്തുത നമ്പര് പ്രകാരമുള്ള മൊബൈലുമായി എത്തിയാല് വിവരമറിയിക്കാനും പറഞ്ഞിരുന്നു. തുടര്ന്ന് ബുധനാഴ്ച മാനന്തവാടിയിലെ ഒരു മൊബൈല് കടയിലത്തെിയ മോഷണ സംഘം മൊബൈല് വില്ക്കാന് ശ്രമിക്കുന്നതിനിടെ കടയുടമ പൊലീസില് വിവരമറിയിക്കുകയും പൊലീസത്തെി ഇവരെ പിടികൂടുകയും ചെയ്തു. കോടതി ഇവരെ റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.