തിരുവനന്തപുരം: ആലപ്പുഴ-എറണാകുളം സെക്ഷനിൽ ചേർത്തലക്കും തുറവൂരിനുമിടയിൽ ട്രാക്ക് നവീകരണമടക്കം ജോലികൾ നടക്കുന്നതിനാൽ ഡിസംബർ 15 മുതൽ ജനുവരി 13 വരെ വ്യാഴാഴ്ചകളും ഡിസംബർ 25ഉം ഒഴികെയുള്ള ദിവസങ്ങളിൽ നാല് െട്രയിനുകൾക്ക് നിയന്ത്രണം ഏർപ്പെടുത്തിയതായി റെയിൽവേ അറിയിച്ചു. ചെെന്നെ എഗ്മോർ-ഗുരുവായൂർ എക്സ്പ്രസ് (16127) ഇൗ ദിവസങ്ങളിൽ ഒരു മണിക്കൂർ 50 മിനിറ്റ് ചേർത്തലയിൽ നിർത്തിയിടും. മൈസൂരു-കൊച്ചുവേളി എക്സ്പ്രസ് (16315) 25 മിനിറ്റും മംഗളൂരു-കൊച്ചുവേളി അന്ത്യോദയ എക്സ്പ്രസ് (16356) 45 മിനിറ്റും കുംബളം സ്റ്റേഷനിൽ നിർത്തിയിടും. തിരുവനന്തപുരം-നിസാമുദ്ദീൻ സൂപ്പർഫാസ്റ്റ് എക്സ്പ്രസ് (22655) ഡിസംബർ 15നും ജനുവരി 13നും മധ്യേയുള്ള ബുധനാഴ്ചകളിൽ ഒരു മണിക്കൂർ 15 മിനിറ്റ് ചേർത്തല തുറവൂരിനും ഇടയിൽ നിർത്തിയിടുമെന്നും റെയിൽവേ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.