തിരുവനന്തപുരം: നിരവധി മോഷണക്കേസിലെ പ്രതിയെ പൊലീസിനെ ആക്രമിച്ച കേസിൽ സിറ്റി ഷാഡോ പൊലീസ് പിടികൂടി. ബീമാപള്ളി ഖദീജ മൻസിലിൽനിന്ന് കഴക്കൂട്ടം ചന്തവിളക്ക് സമീപം നൗഫിൻ മൻസിലിൽ താമസിക്കുന്ന റഹീസ് ഖാനെയാണ് (32) നേമം പൊലീസ് അറസ്റ്റ് ചെയ്തത്. നേമം സ്റ്റുഡിയോ റോഡ് തത്താരക്കുഴി െലയിനിൽ താമസിക്കുന്ന റസിയയെ ദേഹോപദ്രവം ഏൽപിച്ച കേസ് അന്വേഷിക്കാനെത്തിയ നേമം എസ്.ഐയെയും പൊലീസുകാരെയും പ്രതി ഒരു പ്രകോപനവുമില്ലാതെ ആക്രമിച്ച് പൊലീസിൻെറ കൃത്യനിർവഹണത്തിന് തടസ്സം വരുത്തിയതിനാണ് അറസ്റ്റ്. നൂറോളം മോഷണക്കേസിലെ പ്രതിയായ ഇയാൾ നിരവധിതവണ ജയിൽ ശിക്ഷയും അനുഭവിച്ചിട്ടുണ്ട്. സംഭവത്തിനുശേഷം ഒളിവിൽ പോയിരുന്നു. ചോദ്യം ചെയ്തുവരികയാണ്. ജില്ല ൈക്രംബ്രാഞ്ച് എ.സി സന്തോഷ് എം.എസ്, നേമം എസ്.എച്ച്.ഒ ബൈജു എൽ.എസ്. നായർ , എസ്.ഐമാരായ സനോജ്, സുധീഷ്, ഷാഡോ ടീമംഗങ്ങൾ എന്നിവരാണ് അറസ്റ്റിനും അന്വേഷണത്തിനും നേതൃത്വം നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.