തിരുവനന്തപുരം: മുക്കുന്നിമലയിൽ സർക്കാർ ഭൂമി കൈയേറി അനധികൃത ക്വാറികൾ നടത്തി 292.1 കോടി രൂപ സർക്കാർ ഖജനാവിന് നഷ്ടം വരുത്തിയെന്ന കേസ് അട്ടിമറിക്കാനുള്ള നീക്കം നിയമവാഴ്ചയോടുള്ള വെല്ലുവിളിയാണെന്ന് കെ.പി.സി.സി മുൻ പ്രസിഡൻറ് വി.എം. സുധീരൻ പറഞ്ഞു. ഒരു നിയമവും തങ്ങൾക്ക് ബാധകമല്ലെന്നനിലയിൽ സ്വൈരവിഹാരം നടത്തിവരുന്ന ക്വാറി മാഫിയയെ രക്ഷിക്കാനുള്ള ഇടപെടലുകൾ സർക്കാറിൻെറ ക്വാറി മാഫിയയുമായുള്ള അവിഹിത ബന്ധമാണ് വ്യക്തമാക്കുന്നത്. അന്വേഷണ ഉദ്യോഗസ്ഥനെ 2017 മേയ് മാസത്തിൽ സ്ഥലംമാറ്റിയത് കേസ് അട്ടിമറിക്കുന്നതിൻെറ തുടക്കമായിരുന്നു. കേസന്വേഷണം സി.ബി.െഎക്ക് വിടാൻ തയാറാകണമെന്ന് മുഖ്യമന്ത്രിക്ക് നൽകിയ കത്തിൽ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.