തിരുവനന്തപുരം: വോട്ടിങ് യന്ത്രത്തില് കോണ്ഗ്രസിൻെറ കൈപ്പത്തി ചിഹ്നം മറ്റ് സ്ഥാനാർഥികളുടെ ചിഹ്നത്തേക്കാള് ചെറുതായി പ്രദര്ശിപ്പിച്ചതിനെതിരേ കെ.പി.സി.സി ജനറല് സെക്രട്ടറി തമ്പാനൂര് രവി തെരഞ്ഞെടുപ്പ് കമീഷന് പരാതിനല്കി. നിരവധി സ്ഥാനാർഥികളില്നിന്ന് ഇതുസംബന്ധിച്ച പരാതി കെ.പി.സി.സിക്ക് ലഭിച്ചിരുന്നു. വോട്ടര്മാര്ക്ക് വ്യക്തമായി കാണാന് സാധിക്കാത്തവിധമാണ് കൈപ്പത്തി ചിഹ്നം വോട്ടിങ് മെഷീനില് കാണിച്ചിരിക്കുന്നത്. ഇത് വോട്ടര്മാര്ക്ക് ആശയക്കുഴപ്പം സൃഷ്ടിക്കും. ഇക്കാര്യം അടിയന്തരമായി പരിശോധിച്ച് മറ്റ് സ്ഥാനാർഥികളുടെ ചിഹ്നം പോലെ കോണ്ഗ്രസിൻെറ കൈപ്പത്തി ചിഹ്നവും വലിപ്പത്തില് ക്രമീകരിക്കണമെന്ന് തമ്പാനൂര് രവി മുഖ്യ െതരഞ്ഞെടുപ്പ് ഓഫിസര്ക്ക് നല്കിയ പരാതിയില് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.