തിരുവനന്തപുരം: ഓശാന ഞായറിൻെറ തിരുകര്മങ്ങള് നഗരത്തിലെ വിവിധ ദേവാലയങ്ങളില് നടന്നു. പട്ടം സൻെറ് മേരീസ് കത്തീ ഡ്രലില് ഓശാനയുടെ തിരുകര്മങ്ങള് ഞായറാഴ്ച രാവിലെ 6.30ന് ആരംഭിച്ചു. മലങ്കര കത്തോലിക്കാസഭ മേജര് ആര്ച് ബിഷപ് കര്ദിനാള് മാര് ബസേലിയോസ് ക്ലീമിസ് കാതോലിക്കാബാവ മുഖ്യകാര്മികനായിരുന്നു. പാളയം സൻെറ് ജോസഫ്സ് മെട്രോപൊളിറ്റന് കത്തീഡ്രലില് രാവിലെ ഏഴിന് ആരംഭിച്ച കുരുത്തോല വെഞ്ചരിപ്പിനും മറ്റ് ഓശാന ശുശ്രൂഷകള്ക്കും തിരുവനന്തപുരം ലത്തീന് അതിരൂപത ആർച് ബിഷപ് ഡോ. എം. സൂസപാക്യം മുഖ്യകാര്മികനായിരുന്നു. പി.എം.ജി ലൂര്ദ് ഫൊറോന പള്ളിയിലെ തിരുകര്മങ്ങള്ക്ക് ഇടവക വികാരി ഫാ. ജോസ് വിരുപ്പേല് മുഖ്യകാര്മികനായി. വെട്ടുകാട് മാദ്രെ-ദെ-ദേവൂസ് ദേവാലയത്തിലെ കര്മങ്ങള്ക്ക് ഇടവക വികാരി ഫാ.ജോസഫ് ബാസ്റ്റിന് കാർമികത്വം വഹിച്ചു. പോങ്ങുംമൂട് അല്ഫോൺസ ദേവാലയത്തില് ഇടവക വികാരി ഫാ. ജോര്ജിന് വെളിയത്ത് മുഖ്യകാര്മികനായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.