തിരുവനന്തപുരം: തെരഞ്ഞെടുപ്പ് കമീഷെൻറ ഇടപെടലിനെതുടർന്ന് കെ.എസ്.ആര്.ടി.സി ബസുകളില് പതിച്ചിരുന്ന സംസ്ഥാന സര്ക്കാറിെൻറ പരസ്യങ്ങള് നീക്കി. പരസ്യം അടിയന്തരമായി നീക്കണമെന്നാവശ്യപ്പെട്ട് മോട്ടോര്വാഹനവകുപ്പ് നാഷനലൈസ്ഡ് വിഭാഗം ആര്.ടി.ഒ, കെ.എസ്.ആര്.ടി.സി എം.ഡിക്ക് ശനിയാഴ്ച രാവിലെ കത്ത് നല്കിയിരുന്നു. പരസ്യം നീക്കണമെന്ന് വിവിധ ജില്ല കലക്ടര്മാര് ആവശ്യപ്പെട്ടിരുന്നു. ഇതിന് പിന്നാലെ ഔദ്യോഗിക അറിയിപ്പ് ലഭിച്ചതോടെ ശനിയാഴ്ച വൈകീട്ട് അഞ്ചിനുതന്നെ പരസ്യം നീക്കണമെന്ന് എം.ഡി യൂനിറ്റ് ഓഫിസര്മാര്ക്ക് നിര്ദേശം നല്കുകയായിരുന്നു. തെരഞ്ഞെടുപ്പ് കമീഷനില്നിന്ന് രേഖാമൂലമുള്ള നിര്ദേശം ലഭിച്ചിട്ട് പരസ്യം നീക്കിയാല് മതിയെന്ന നിലപാടാണ് മൂന്ന് ദിവസമായി കെ.എസ്.ആര്.ടി.സി സ്വീകരിച്ചിരുന്നത്. പി.ആര്.ഡിയാണ് കെ.എസ്.ആര്.ടി.സി ബസുകളില് പരസ്യം നല്കിയത്. ഒരുമാസത്തേക്കായിരുന്നു പരസ്യം. കാലാവധി കഴിഞ്ഞാല് നീക്കം ചെയ്യേണ്ട ചുമതല കെ.എസ്.ആര്.ടി.സിക്കാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.