കഴക്കൂട്ടം: ദേശീയപാതയിൽ കാര്യവട്ടം ജങ്ഷനിൽ നിയന്ത്രണം തെറ്റിയ കാർ റോഡ് വശത്തെ വൈദ്യുതി പോസ്റ്റിലിടിച്ച് യാത്രക്കാരായ നാലുപേർക്ക് പരിക്ക്. ആറ്റിങ്ങൽ സ്വദേശികളായ ആദിത്യൻ (18), അനൂപ് (24), മനീഷ് (24), അഖിൽ (19) എന്നിവർക്കാണ് പരിക്കേറ്റത്. വ്യാഴാഴ്ച പുലർച്ച രണ്ടു മണിയോടെയായിരുന്നു അപകടം. ആറ്റിങ്ങൽ ഭാഗത്തുനിന്ന് തിരുവനന്തപുരത്തേക്ക് പോകുകയായിരുന്നു കാർ. നിയന്ത്രണംവിട്ട കാർ പോസ്റ്റിടിച്ച് തകർത്ത ശേഷം സമീപെത്ത മതിലിൽ ഇടിച്ചാണ് നിന്നത്. പരിക്കേറ്റവരെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.